भाजपतर्फे संगणक, वह्या वाटप

भाजपतर्फे संगणक, वह्या वाटप
तळेरे ः भाजप ओबीसी मोर्चा व दक्षिण मुंबई भाजप अध्यक्ष विजय घरत याच्यावतीने जिल्ह्यातील कणकवली विधानसभा मतदारसंघात विविध शाळांना संगणक व वह्या वाटप करण्यात आल्या. सिंधुदुर्गतील मुलांना अधिक प्रोत्साहन मिळावे, यासाठी हा उपक्रम राबविल्याचे घरत यांनी सांगितले. यावेळी देवगड तालुक्यातील मुटाट, घाडीवाडी, अंगणवाडी व कणकवली तालुक्यातील नडगिवे, खारेपाटण शाळा क्र. १ या शाळेस आमदार नीतेश राणे यांच्या हस्ते संगणक व इतर शाळांत वह्या वाटप करण्यात आल्या. पडेल सरपंच भूषण पोकळे, माजी उपसभापती मिलिंद मेस्त्री, वागदे सरपंच संदीप सावंत, बाबू आडिवरेकर, बाबू घाडीगावकर, रंजित घाडीगावकर, माजी सरपंच, शाळांचे मुख्याध्यापक, केंद्रप्रमुख, ग्रामपंचायत सदस्य, शिक्षक, शिक्षकेतर कर्मचारी उपस्थित होते. यावेळी पहिली ते सातवीतील श्रीराम माध्यमिक विद्या मंदिर, पडेलसह (ता. देवगड) चार शाळा, वागदे शाळा, बोर्डवे येथील नाथपंथीय गोसावी समाज ऐक्यवर्धक मंडळ संचलित अनाथ आश्रम शाळेतील मिळून एकूण एक हजार विद्यार्थ्यांना जम्बोबुक वह्या व ड्राईंगच्या विशेष वह्या प्रदान करण्यात आल्या.