वेगवान वार्‍यामुळे मच्छीमारांचा मुहूर्त हुकणार

४८ (पान ३ साठीमेन)

-rat३१p४०.jpg-
२३M२०२३०
रत्नागिरी ः मासेमारीचा मुहूर्त साधण्यासाठी मच्छीमार समुद्राच्या लाटांवर स्वार होण्यासाठी तयार आहेत. परंतु सोसाट्याचा वारा आणि पावसामुळे मच्छीमारी नौका किनाऱ्यावरच आहेत.
--------

वेगवान वाऱ्याने मच्छीमारांचा मुहूर्त हुकणार

जिल्ह्याला यलो अलर्ट ; ९० टक्के नौका किनाऱ्यावरच

रत्नागिरी, ता. ३१ ः समुद्र किनारीपट्टीवर वेगवान वारे वाहू लागल्यामुळे आणि समुद्र खवळलेला असल्याने मासेमारीसाठीचा उद्याचा (ता. १) मुहूर्त हुकण्याची शक्यता आहे. गेले दोन दिवस वातावरण शांत असल्यामुळे मच्छीमारी समुद्रावार स्वार होण्यासाठी सज्ज झाले होते. हवामान विभागाकडून यलो अलर्ट दिला आहे. त्यानुसार जिल्ह्यात अधुनमधून सरी पडत आहेत. मात्र जोरदार वाऱ्यामुळे मासेमारीसाठी वातावरण अनुकूल नसल्याने ९० टक्के मासेमारी नौका किनाऱ्यावरच विसावल्या आहेत.
जिल्ह्यात गेल्या दोन दिवस पावसाने उघडीप घेतली आहे. त्यामुळे मुसळधार पावसाने प्रभावित जनजीवन पूर्वपदावर आले आहे. मासेमारी बंदी १ ऑगस्टपासून उठणार आहे. त्यामुळे मासेमारीसाठी मच्छीमारांनी तयारी केली होती. मच्छीमारांनी नौकाची कामं करून मासेमारीसाठी तयारी केली आहे. परंतु हवामान खात्याने यलो अलर्ट जारी केल्याने सरीवर पाऊस सुरू आहे. तसेच किनाऱ्यावर वेगवान वारे असल्यामुळे मच्छीमारांनी प्रतिकूल परिस्थितीमध्ये मासेमारीसाठी जाण्याचे धाडस केलेले नाही. त्यामुळे मच्छीमारांचा पहिल्याच दिवसाचा मुहूर्त हुकणार आहे.
जिल्ह्यात गेल्या चोवीस तासात सरासरी २१.४४ मिमी पाऊस झाला. त्यात मंडणगड १०, दापोली ३२, खेड १६, गुहागर १३, चिपळूण २२, संगमेश्वर ४०, रत्नागिरी १५, लांजा २८, राजापूर १७ असा पाऊस झाला आहे. खेड, राजापूर, संगमेश्वर या तिन तालुक्यातील मध्यम पाटबंधारे प्रकल्पात उपयुक्त पाणीसाठा १८२.६९ दशलक्षघनमीटर इतका आहे. तसेच पावसाचा जोर ओसरला असला तरीही जगबुडी नदी इशारा पाणीपातळीवर वाहत आहे. सध्याची पाणीपातळी ५.३० मीटर असून नदीची इशारा पातळी ५ मीटर आणि धोका पातळी ७ मीटर आहे.

.