रोटरी क्लब ऑफ मँगोसिटीतर्फे देवगडात 15 ला चित्रकला स्पर्धा

देवगडात १५ ला
चित्रकला स्पर्धा
रोटरी क्लब ऑफ मँगोसिटीतर्फे आयोजन
सकाळ वृत्तसेवा
देवगड, ता. ८ ः येथील रोटरी क्लब ऑफ मँगोसिटी यांच्यावतीने स्वातंत्र्य दिनानिमित्त तालुकास्तरीय चित्रकला स्पर्धेचे आयोजन केले आहे. ही स्पर्धा मंगळवारी (ता.१५) सकाळी १० ते दुपारी १ या वळेत येथील शेठ म. ग. हायस्कुलमध्ये विविध गटात घेण्यात येणार आहे. स्पर्धेत जास्तीत जास्त स्पर्धकांनी सहभाग नोंदवण्याचे आवाहन केले आहे. यातील सहभागी स्पर्धकांनी रंग व इतर साहित्य स्वतः आणायचे आहे. चित्रासाठी लागणारे कागद आयोजकांकडून पुरविले जातील. स्पर्धा चार गटामध्ये घेण्यात येईल. यातील लहान गट -पहिली ते चौथी (विषय : भारतीय ध्वज). यातील विजेत्या स्पर्धकांना वस्तूरूपी बक्षिसे देण्यात येतील. पाचवी ते सातवी गट (विषय : पारंपरिक सण, उत्सव). यातील पहिल्या तीन विजेत्या स्पर्धकांना अनुक्रमे, ७००, ५००, ३०० रूपये रोख देण्यात येतील. आठवी ते दहावी गट (विषय : पूर परिस्थिती व मदतकार्य). यातील पहिल्या तीन विजेत्या स्पर्धकांना अनुक्रमे, १०००, ७००, ५०० रूपये रोख देण्यात येतील. तर खुलागट (विषय : स्वातंत्र्य संग्रामातील एखादं दृश्य), यातील पहिल्या तीन विजेत्या स्पर्धकांना अनुक्रमे, १५००, १०००, ७०० रोख देण्यात येतील. प्रत्येक गटासाठी दोन उत्तेजनार्थ बक्षीसे देण्यात येतील. स्पर्धेचे नियम व अटी स्पर्धेच्या ठिकाणी सांगण्यात येतील. स्पर्धकांनी आपली नावे सोमवारपर्यंत (ता.१४) आयोजकांकडे द्यावीत. असे आवाहन अध्यक्ष प्रवीण पोकळे यांनी केले आहे.