संगमेश्वरमधील बॅटरीचे दुकान चोरट्यांनी फोडले

२२ (पान ३ साठी)

संगमेश्वरमधील बॅटरीचे दुकान फोडले

संगमेश्वर, ता. १८ ः संगमेश्वर शास्त्रीपूल येथील डीके बॅटरी सर्व्हिस दुकान मागच्या बाजूने चोरट्याने फोडून त्यातील २२ बॅटऱ्या चोरून नेल्या.. या बॅटऱ्यांची किंमत सुमारे ६० हजार रुपये असून याप्रकरणी संगमेश्वर पोलिसांनी एकाला अटक केली आहे.
याबाबत संगमेश्वर पोलिस ठाण्यात सुरेंद्र सुरेश डिके (रा. तुरळ डिकेवाडी) यांनी फिर्याद दिली आहे. संगमेश्वर कसबा शास्त्रीपूल येथे डीके बॅटरी सर्व्हिस नावाचे चारचाकी व दुचाकी वाहनांचे बॅटरी खरेदी-विक्रीचे दुकान आहे. ८ ते ९ ऑगस्टदरम्यान चोरट्याने दुकानाच्या मागील बाजूस भिंतीतील सिमेंट लोखंडी खिडकी उचकटवून काढून दुकानात प्रवेश केला. चोरट्याने सुमारे ६० हजार किमतीच्या बॅटऱ्या चोरून नेल्य, अशी फिर्याद दिली होती. या फिर्यादीवरून संगमेश्वर पोलिस ठाण्याचे पोलिस तपास करत होते. या प्रकरणी पोलिसांनी अधिक तपास करत प्रसाद विलास साळवी (वय २५, रा. परटवणे) या संशयिताला अटक केली. त्याच्याकडून काही बॅटऱ्या जप्त करण्यात आल्या आहेत. संगमेश्वर पोलिस ठाण्याचे पोलिस निरीक्षक सुरेश गावित यांच्या मार्गदर्शनाखाली तपास करत असून या प्रकरणी आणखी काही आरोपी असण्याची शक्यता वर्तवण्यात येत आहे. अधिक तपास संगमेश्वर पोलिस ठाण्याचे सहाय्यक पोलिस फौजदार प्रशांत शिंदे करत आहेत.