अज्ञात मोटारीच्या धडकेत कोलगावात वृद्धा जखमी

अज्ञात मोटारीच्या धडकेत
कोलगावात वृद्धा जखमी
सावंतवाडी, ता. १८ ः येथील कोलगाव जुना आयटीआयलगत गोव्याच्या दिशेने जाणाऱ्या कारचालकाने वृद्धेला मागाहून धडक देत पलायन केले. यात ती गंभीर जखमी झाली. सत्यभामा कळंगुटकर (वय ८०) असे तिचे नाव आहे. ती नातेवाईकांसोबत रुग्णालयात आली होती. तेथून परतत असताना हा अपघात झाला. ही घटना सीसीटीव्हीमध्ये कैद झाली आहे का? याचा शोध पोलिस घेत आहेत. अपघाताची माहिती मिळताच सामाजिक बांधिलकीच्या सदस्या रूपाली मुद्राळे, सुनिता बोर्डेकर व रवी जाधव यांनी सहकार्य केले. त्या महिलेच्या कमरेला व हाताला गंभीर दुखापत झाली असून सद्यस्थितीत ती बेशुद्ध होती.