मैदानी स्पर्धेत शिरगांव हायस्कूलचे यश

मैदानी स्पर्धेत शिरगांव हायस्कूलचे यश
देवगड ः तालुकास्तरीय मैदानी स्पर्धेत तालुक्यातील शिरगांव हायस्कूलमधील १४ व १९ वर्षाखालील विद्यार्थ्यांनी यश संपादन केले. या मैदानी स्पर्धेत एकूण १९ विद्यार्थी सहभागी झाले होते. त्यापैकी ८ विद्यार्थ्यांनी विविध ११ प्रकारात यश संपादन केले आहे. त्यांची जिल्हास्तरीय स्पर्धेसाठी निवड झाली आहे. यशस्वी खेळाडू असे, १४ वर्षाखालील मुलगे थाळी फेक द्वितीय-कुणाल उघडा, २०० मीटर धावणे प्रथम-पार्थ अनभवणे, १४ वर्षाखालील मुली थाळी फेक प्रथम-अक्षरा ओटवकर, ४०० मीटर धावणे प्रथम-समीक्षा ठुकरुल, १९ वर्षाखालील मुली उंचउडी प्रथम-सुहासिनी दहिबावकर, लांबउडी प्रथम-सुहासिनी दहिबावकर, ८०० मीटर धावणे द्वितीय-सुहासिनी दहिबावकर, १९ वर्षाखालील मुलगे हातोडा फेक प्रथम-आदेश साटम, ४०० मीटर धावणे प्रथम-पवन अनभवने, गोळा फेक द्वितीय-संजीव बोडेकर, थाळी फेक द्वितीय-संजीव बोडेकर.
-----------
आडेलीत उद्यापासून धार्मिक कार्यक्रम
सावंतवाडी ः आडेली येथील श्री देव सोमेश्वर सातेरी पंचायतन मंदिरात प्रतिवार्षिक नवरात्रोत्सव १५ ते २४ या कालावधीत होणार आहे. यानिमित्त विविध धार्मिक व सांस्कृतिक कार्यक्रमांचे आयोजन केले आहे. रोज सकाळी विधिवत पूजा, आरती व सायंकाळी ७ ते ९.३० पर्यंत ग्रामस्थांची सुश्राव्य भजने, रात्री ९.३० ते ११.३० पर्यंत सांस्कृतिक कार्यक्रम गरबा व दांडिया नृत्य, फुगडी इत्यादी कार्यक्रमांचे आयोजन केले आहे. लाभ घ्यावा, असे आवाहन श्री देव सोमेश्वर देवस्थान कमिटी, गावचे मानकरी, ग्रामस्थांनी केले आहे.