अनुसूचित शिष्यवृत्तीधारक विद्यार्थ्यांना आवाहन

अनुसूचित शिष्यवृत्तीधारक
विद्यार्थ्यांना आवाहन

सकाळ वृत्तसेवा
मालवण, ता. ६ ः विद्यार्थ्यांनी निर्वाह भत्त्याची रक्कम वजा करून उर्वरित रक्कम महाविद्यालयात जमा करावी, असे आवाहन समाज कल्याणच्या सहाय्यक आयुक्त संतोष चिकणे यांनी केले आहे.
केंद्राने अनुसूचित जाती व नवबौद्ध घटकातील विद्यार्थ्यांना भारत सरकार मॅट्रिकोत्तर शिष्यवृत्ती योजना लागू केली आहे. या योजनेंतर्गत सामाजिक न्याय व विशेष सहाय्य विभागाच्या १७ मार्च २०२२ व ७ जुलै २०२३ या शासन निर्णयात नमूद केल्यानुसार अनुसूचित जाती प्रवर्गातील विद्यार्थ्यांना केंद्राची ६० टक्के हिश्शाची रक्कम महाडीबीटी प्रणालीदवारे विद्यार्थ्यांच्या आधार संलग्न बॅंक खात्यात जमा झाल्यानुसार विद्यार्थ्यांनी त्यांना अनुज्ञेय असलेल्या निर्वाह भत्त्याची रक्कम वजा करून उर्वरित शिक्षण शुल्क, परीक्षा शुल्क, इतर ना परतावा शुल्काची रक्कम संबंधित महाविद्यालयास ७ दिवसांच्या आत जमा करण्याचे निर्देश दिले आहेत. गेल्या काही दिवसांपासून सामाजिक न्याय व विशेष सहाय्य विभागामार्फत भारत सरकार मॅट्रिकोत्तर शिष्यवृत्तीची २०२१-२२ व २०२२-२३ वर्षातील केंद्राची ६० टक्के रक्कम विद्यार्थ्यांच्या आधार संलग्न बँक खात्यात जमा करण्याची कार्यवाही सुरू आहे. त्या रकमेमधून निर्वाह भत्त्याची ६० टक्के रक्कम वजा करून उर्वरित रक्कम महाविद्यालयात जमा करावी, असे आवाहन शिष्यवृत्ती पात्रताधारक विद्यार्थ्यांना केली आहे; अन्यथा त्याची संपूर्ण जबाबदारी संबंधित विद्यार्थ्यांची राहील, असे स्पष्ट केले आहे.