दुचाकी-डंपर अपघातात आवाडेत एक जखमी

swt535.jpg
M63026
आवाडेः येथे दुचाकी व डंपरमध्ये अपघात झाला.

दुचाकी-डंपर अपघातात
आवाडेत एक जखमी
दोडामार्ग : दोडामार्ग-तिलारी राज्यमार्गावर आवाडे येथे दुचाकी व डंपरची धडक बसून झालेल्या अपघातात दुचाकी चालक जखमी झाला. त्याच्यावर गोवा-आंजिलो येथे उपचार सुरू आहेत. हा अपघात आज दुपारी दीड वाजण्याच्या सुमारास झाला. दुचाकीस्वार सहकाऱ्यासह दुचाकी घेऊन तिलारीहून दोडामार्गच्या दिशेने येत होता. आवाडे येथे दुचाकी व डंपर यांच्यात धडक बसून अपघात झाला. अपघातानंतर दुचाकी चालक जखमी होऊन रस्त्यात बेशुद्ध अवस्थेत पडला. यावेळी शिवसेनेचे गोपाळ गवस यांसह अमित देसाई, इस्माईल चांद, रावसाहेब देसाई व युवकांनी त्याला खासगी वाहनाने साटेली-भेडशी प्राथमिक आरोग्य केंद्रात दाखल केले. तेथे त्यांच्यावर प्राथमिक उपचार करण्यात आले; मात्र, गंभीर जखमी झाल्याने पुढील उपचारासाठी म्हापसा येथील आंजिलो जिल्हा रुग्णालयात पाठविले.