भागीरथी भिडे खेळघरात विविध वेशभूषा उपक्रम

भागीरथी भिडे खेळघरात
विविध वेशभूषा उपक्रम
रत्नागिरी, ता. १० : येथील बियाणी बालमंदिरच्या भागीरथी परशुराम भिडे आजी खेळघरातील बालकांसाठी लायन्स क्लबतर्फे वेशभूषा सादरीकरणाचा उपक्रम घेण्यात आला. बालकांची वेशभूषा कल्पकतेने करण्यात आली होती. पाणी वाचवा, डोनेट ब्लड, डस्टबिन, झाड, प्लास्टिकमुक्त जीवन, भाजीवाली अशा समस्या जाणवणारे विषय हाताळले‌ होते. या शिवाय चांद्रयान, छत्रपती शिवाजी महाराज, सावित्रीबाई फुले यांच्या भूमिकाही साकारल्या होत्या.
प्रमुख पाहुण्या म्हणून लायन्स क्लबच्या अध्यक्षा शिल्पा पानवलकर, सुप्रिया बेडेकर उपस्थित होत्या. बालमंदिराच्या मुख्याध्यापिका धनश्री मुसळे यांनी स्वागत केले. मुलांचे संभाषण कौशल्यही उत्तम होते. सहभागी मुलांना बक्षिस देऊन गौरवण्यात आले. कार्यक्रमाला प्रबंधक विनायक हातखंबकर, संजय चव्हाण उपस्थित होते. सूत्रसंचालन सुविधा नार्वेकर यांनी केले.