सावर्डे-तळवडे कवडेवाडीचा पाणी प्रश्न मार्गी

rat10p39.jpg-
70344
सावर्डेः तळवडे कवडेवाडी येथील पाणी पुरवठा योजनेच्या लोकार्पण सोहोळ्याला उपस्थित आमदार शेखर निकम आणि ग्रामस्थ.
-----------
तळवडे कवडेवाडीचा
पाणी प्रश्न मार्गी
सावर्डे, ता. १०ः गेली कित्येक वर्षे तळवडे-कवडेवाडीचा पाणी प्रश्न प्रलंबित होता. श्री मानाई देवी प्रतिष्ठान व ग्रामस्थांच्या मागणीची दखल घेऊन आमदार शेखर निकम यांनी निधी उपलब्ध करून देत हा पाणी प्रश्न मार्गी लावला. त्यांच्या निधीतून बांधण्यात आलेली विहीर व नळपाणी पुरवठा योजनेचे लोकार्पण आमदार निकम यांच्या हस्ते झाला.
यानिमित्त सत्यनारायण महापूजा, महाप्रसाद, सत्कार समारंभ, माभळे-जाधववाडी येथील श्री ग्रामदेवता लोककला नाट्य नमन मंडळाचे बहुरंगी नमन झाले. वाडीमध्ये हा कार्यक्रम एखाद्या उत्सवाप्रमाणे साजरा करण्यात आला. या वेळी कोकरे जिल्हा परिषद गट अध्यक्ष संजय कदम, सरपंच, उपसरपंच, सदस्य आदी उपस्थित होते.