सिंधुदुर्गासाठी १८,५६७ मेट्रिक टन खताची मागणी

सिंधुदुर्गासाठी १८,५६७ टन खताची मागणी
खरीप हंगामासाठी नियोजनः कृषि विभागाची माहिती
सकाळ वृत्तसेवा
सिंधुदुर्गनगरी, ता. ४ ः जिल्हा परिषद कृषि विभागामार्फत खरीप हंगामसाठी एकूण १८ हजार ५६७ मेट्रिक टन एवढ्या खताची मागणी करण्यात आली असल्याची माहिती जिल्हा परिषद कृषि विकास अधिकारी जानबा झगडे यांनी आज दिली.
जिल्हा परिषद कृषि विभागा मार्फत खरीप हंगामासाठी खताचा तुटवडा भासू नये, शेतकऱ्यांना वेळीच खत उपलब्ध व्हावे, यासाठी विविध खत कंपन्यांकडे आवश्यक असलेल्या खताची मागणी करण्यात आली आहे. जिल्ह्यासाठी एकूण १८,५६७ मेट्रिक टन खताची मागणी करण्यात आली आहे. ख़त वेळेत उपलब्ध व्हावे, यासाठी प्रयत्न सुरु आहेत. एप्रिल अखेरपर्यंत ख़त उपलब्ध होईल, अशी अपेक्षा आहे. शेतकऱ्यांनी भरघोस पिकासाठी सेंद्रिय (दर्जेदार) खतांचा वापर करावा. बोगस ख़त विक्रीपासून सावध रहावे, असे आवाहन श्री. झगडे यांनी केले आहे. लवकरच विविध प्रकारची संकरित व सुधारित भात बियाण्याची मागणी करण्यात येणार आहे. त्याच्या नियोजनासाठी बैठक आयोजित केली असल्याची माहिती यावेळी श्री. झगडे यांनी दिली.
-------------------
चौकट
मागणी केलेले खत
खत*मात्रा (मेट्रीक टनमध्ये)
यूरिया*७५०७
डीएपी*१०४९
एमओपी*९७०
सिंगल सुपर फॉस्फेट*२०१५
१०:२६:२६*४४५
१५:१५:१५*३६२६
१६:१६:१६*३६
१९:१९:१९*२८२९
२०:२०:०*१७
२०:२०:०:१३*१७
२४:२४:०*५८
एकूण*१८, ५६७
----------------