शिकारीप्रकरणी पाचजणांना जामीन मंजूर

२५ (पान ३ साठी)

शिकारीप्रकरणी पाचजणांना जामीन

गुहागर, ता. ४ : तालुक्यातील शृंगारतळी येथे शिकारीसाठी फिरणाऱ्या पाचजणांना १२ बोर बंदूक, ४ जिवंत काडतुसे सापडल्याने गुहागर पोलिसांनी त्यांना अटक केली होती. दरम्यान, या सर्व संशयितांची चिपळूण न्यायालयाने जामिनावर मुक्तता केली आहे.
तालुक्यातील पवारसाखरी गावातील अभिजित शेटे, सुशील पवार, जोगेश भुवड, सचिन पवार, सुयोग पवार यांच्यासह मोटारीत ४ जिवंत काडतुसे व परवानाधारक बंदूक सापडून आल्याने पोलिसांनी या सर्वांना शृंगारतळी येथे अटक केली होती. गुहागर न्यायालयाने त्यांना २ एप्रिलपर्यंत पोलिस कोठडी सुनावलेली होती. या प्रकरणाच्या तपासकामामध्ये बंदुकीच्या मालकांना अटक करून ताब्यात घेण्यात आले होते.