रत्नागिरीत उदय असल्याने विजयाचा विश्वास

४१ ( पान ३ साठी )

rat२८p३७.jpg-
२४M८०४१८
रत्नागिरी : महायुतीच्या प्रचारसभेत महायुतीचे उमेदवार नारायण राणे, पालकमंत्री उदय सामंत यांचा सत्कार करताना राजन शेट्ये, राजेश्वरी शेट्ये, कौशल्या शेट्ये, सुजाता साळवी, स्मितल पावसकर आदी.

रत्नागिरीत उदय असल्याने विजयाचा विश्वास

नारायण राणे; शहरात महायुतीच्या प्रचार सभा
सकाळ वृत्तसेवा
रत्नागिरी, ता. २९ : सामंत कुटुंबियांशी आमचे चांगले संबंध आहेत, मी एकटा नाही. मला येथे धोका वाटत नाही. उदय म्हणजे माझा विश्वास आहे, मी अविश्वास ठेवून काम करत नाही. त्यामुळे रत्नागिरीतून जास्तीत जास्त मताधिक्य मिळणार आहे. मित्र असलेला व राज्याचे मंत्री उदय सामंत हे रत्नागिरीचा विकास करत आहेत. त्याच्या जोडीला मोदी सरकारच्या माध्यमातून रत्नागिरीचा सर्वांगिण विकास करण्यासाठी मी कटिबद्ध आहे, असे प्रतिपादन केंद्रीय मंत्री, महायुतीचे उमेदवार नारायण राणे यांनी केले.
उद्यमनगर, पटवर्धनवाडी येथील लोकमान्य टिळक सभागृहात महायुतीच्या कार्यकर्त्यांच्या मेळाव्यात ते बोलत होते. मंत्री राणे म्हणाले की, कोरोना काळात व्यवसाय, दुकाने, कारखाने बंद पडले. परंतु पंतप्रधान नरेंद्र मोदी यांनी कामगारांना पुन्हा कामावर रुजू होण्याकरिता प्रयत्न केले. माझ्या खात्याला साडेपाच लक्ष कोटी रुपयांचा निधी दिला त्यातून कारखाने उभे राहिले व कामगारांना रोजगार मिळाला. याप्रसंगी मंत्री उदय सामंत, शिवसेना जिल्हाप्रमुख राहुल पंडित, राजन शेट्ये, राजेश्वरी शेट्ये, भाजप महिला जिल्हाध्यक्ष सुजाता साळवी, सुदेश मयेकर, स्मितल पावसकर, शिवसेना शहरप्रमुख बिपीन बंदरकर, उमेश कुळकर्णी, भाजयुमोचे सरचिटणीस प्रवीण देसाई, कौशल्या शेट्ये, निमेश नायर आदी उपस्थित होते.
--------------------------------
रत्नागिरीत विकासगंगा
मंत्री सामंत म्हणाले की, रत्नागिरीचा विकास करण्यासाठी पंतप्रधान नरेंद्र मोदी सरकार व मंत्री नारायण राणे यांचे योगदान महत्त्वाचे ठरणार आहे. शहरालगतच्या उद्यमनगर येथे डिफेन्स क्लस्टर होणार आहे. राज्यात मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या माध्यमातून कोट्यवधीचा निधी मिळत आहे. त्यातून विकासकामे सुरू आहेत.
---------