राणेंना सावंतवाडीवासीय साथ देतील

swt29११.jpg

संजू परब

राणेंना सावंतवाडीवासीय साथ देतील
संजू परब ः शहरात गुरुवारी प्रचार फेरी
सकाळ वृत्तसेवा
सावंतवाडी, ता. २९ः महायुती सरकारने शहरात मोठ्या प्रमाणात विकास केला आहे. त्यामुळे शहरवासीय महायुतीचे उमेदवार नारायण राणे यांच्यामागे उभे राहतील, असा विश्वास आहे. त्यांच्या प्रचारासाठी गुरुवारी (ता. २) सायंकाळी ५ वाजता महायुतीच्या प्रचार फेरीचे आयोजन केले आहे. यात महायुतीचे एक हजारांहून अधिक पदाधिकारी, कार्यकर्ते सहभागी होतील, अशी माहिती भाजप प्रवक्ते तथा माजी नगराध्यक्ष संजू परब यांनी दिली.
ते म्हणाले, लोकसभा निवडणुकीचे वारे चालू आहेत‌. महायुतीकडून केंद्रीय मंत्री नारायण राणे उमेदवार आहेत. अडीच लाखांपेक्षा अधिक मताधिक्यानं ते निवडणूक येतील. शहरातून ८० टक्के मतदान त्यांना होईल. २ मे रोजी सायंकाळी ५ वाजता महायुतीच्या प्रचार फेरीचे आयोजन केले आहे. शहरातून ही फेरी काढण्यात येणार आहे. या फेरीत शालेय शिक्षणमंत्री दीपक केसरकर व महायुतीचे नेते असतील. प्रचार कार्यालयाकडून या फेरीचा शुभारंभ होईल. किमान १ हजार पेक्षा अधिक महायुतीचे पदाधिकारी, कार्यकर्ते यात सहभागी होतील. पंतप्रधान नरेंद्र मोदी व केंद्रीय मंत्री नारायण राणे यांनी केलेल्या विकासाची माहिती नागरिकांना दिली जाणार आहे. महायुती सरकारनं शहरात मोठ्या प्रमाणात विकास केला आहे. त्यामुळे शहरवासीय महायुतीचे उमेदवार नारायण राणे यांच्यामागे उभे राहतील अशी माहिती संजू परब यांनी दिली. याप्रसंगी भाजप शहराध्यक्ष अजय गोंदावळे, चराठा उपसरपंच अमित परब आदी उपस्थित होते.