स्वच्छता कर्मचाऱ्यांचा वेंगुर्ले पालिकेतर्फे सत्कार

swt242.jpg
81164
वेंगुर्लेः नगरपरिषदेतर्फे स्वच्‍छता कर्मचाऱ्यांचा सत्कार करताना मुख्याधिकारी परितोष कंकाळ. सोबत संगीता कुबल.

स्वच्छता कर्मचाऱ्यांचा
वेंगुर्ले पालिकेतर्फे सत्कार
सकाळ वृत्तसेवा
वेंगुर्ले, ता. २ः महाराष्‍ट्र राज्‍याचा ६५ वा स्‍थापना दिवस बुधवारी (ता. १) मुख्‍याधिकारी परितोष कंकाळ यांच्‍या हस्‍ते ध्‍वजवंदन करून साजरा करण्‍यात आला. याप्रसंगी नगरपरिषदेचे सर्व अधिकारी, कर्मचारी व स्वच्‍छता कर्मचारी उपस्थित होते. यानिमित्त माझी वसुंधरा व स्वच्‍छ सर्वेक्षण २०२४ अंतर्गत स्वच्‍छतेमध्‍ये उल्लेखनीय काम करणाऱ्या स्वच्‍छता कर्मचाऱ्यांचा सत्कार करण्‍यात आला.
स्वच्‍छता कर्मचारी देवेंद्र जाधव, अनुज धामापूरकर, किशोरी तुळसकर व वाहनचालक सुहास परब यांना प्रमाणपत्र व भेटवस्तू देऊन मुख्‍याधिकारी परितोष कंकाळ यांच्‍या हस्‍ते गौरविण्‍यात आले. २०२३-२०२४ या आर्थिक वर्षातील कर संकलनामध्‍ये उल्लेखनीय कामगिरी करणारे निशा आळवे, अभिजीत गिरप, मंदार चौकेकर व परशुराम नवार यांचा प्रमाणपत्र व भेटवस्तू देऊन सन्मान करण्‍यात आला.