चंद्रनगरची वेदिका मुलुख ठरली आदर्श विद्यार्थी

. ४१ (पान ४ साठी)

वेदिका मुलुख ठरली आदर्श विद्यार्थी

दाभोळ, ता. १० : दापोली तालुक्यातील चंद्रनगर येथील शिक्षण कला क्रीडा संस्थेने आयोजित वार्षिक सर्वसाधारण समारंभात चंद्रनगर गावातील विद्यार्थ्यांसाठीचे विविध पुरस्कार जाहीर केले. याच कार्यक्रमात विद्यार्थ्यांना पुरस्कार वितरित करून गौरवण्यात आले. चंद्रनगर शाळेतील सातवीतील विद्यार्थिनी वेदिका मुलुख हिला आदर्श विद्यार्थी पुरस्कार प्राप्त झाला.
यावर्षी संस्थेने चंद्रनगर विद्यार्थ्यांसाठी चित्रकला, वक्तृत्व, निबंध, स्मरणशक्ती, संगीतखुर्ची यांसारख्या स्पर्धांचे आयोजन केले होते. स्पर्धेतील सर्व विजेत्या विद्यार्थ्यांना संस्थेकडून आकर्षक व शालोपयोगी बक्षिसे देण्यात आली. शाळेतील आदर्श विद्यार्थी म्हणून वेदिका मुलुख, गुणवंत विद्यार्थी म्हणून पूर्वा जगदाळे तर गरीब व होतकरू विद्यार्थी म्हणून वैष्णवी आंबेलकर या विद्यार्थ्यांची निवड करण्यात आली. सर्वांना मान्यवरांच्या हस्ते गौरविण्यात आले. पुरस्कार वितरणाला संस्थेचे अध्यक्ष सदानंद मुलुख, उपाध्यक्ष शैलेश मुलुख, सचिव स्वरूप मुलुख, सल्लागार विजय मुलुख, सुनील रांगले, चंद्रनगरच्या सरपंच भाग्यश्री जगदाळे आदी उपस्थित होते.