शिस्तबद्ध, प्रामाणिक, विज्ञाननिष्ठ राहा

२५ पान ५ साठी

rat११p१४.jpg-
२४M८२९५३
रत्नागिरी : महर्षी कर्वे स्त्री शिक्षणसंस्थेच्या बीसीए कॉलेजमधील पदवीप्राप्त विद्यार्थ्यांसमवेत डॉ. अरविंद कुलकर्णी, अध्यक्ष मंदार सावंतदेसाई, प्र. प्राचार्य स्नेहा कोतवडेकर व शिक्षक.

शिस्तबद्ध, प्रामाणिक, विज्ञाननिष्ठ राहा

डॉ. अरविंद कुलकर्णी ः भारतीय संस्कृतीचा अभिमान हवा

सकाळ वृत्तसेवा
रत्नागिरी, ता. ११ : वक्तशीर, शिस्तबद्ध, प्रामाणिक आणि विज्ञाननिष्ठ राहा तसेच भविष्यामध्ये कितीही मोठे झालात तरी आपल्या आई -वडिलांना, गुरूजनांना विसरू नये. आपले ध्येय साध्य करण्यासाठी स्वत:मध्ये आत्मविश्वास असणे गरजेचे आहे. आपल्या भारतीय संस्कृतीचा आपल्याला कायम अभिमान असला पाहिजे. भारतीय पदवी संपादन करताना त्याचबरोबर परदेशी पदवीसुद्धा मिळवून त्या ज्ञानाचा उपयोग आपल्या भारत देशासाठी करा, असे प्रतिपादन लांजा कॉलेजचे प्राचार्य डॉ. अरविंद कुलकर्णी यांनी केले.
महर्षी कर्वे स्त्री शिक्षणसंस्थेच्या बीसीए कॉलेजच्या बॅचच्या पदवीदान समारंभात ते बोलत होते. मातोश्री यशोदा यशवंतराव पवार सभागृहात कार्यक्रम झाला. या वेळी डॉ. कुलकर्णी यांचा सत्कार करण्यात आला. प्र. प्राचार्या स्नेहा कोतवडेकर यांनी बीसीएच्या २२व्या बॅचचा पदवीदान समारंभ असून, २५ पैकी ४ विद्यार्थिनींना विशेष श्रेणी मिळाली. ९ विद्यार्थिनींना प्रथम श्रेणी मिळाल्याचे सांगितले.
मंदार सावंतदेसाई यांनी विद्यार्थिनींना पदवीनंतर पदवीत्तर शिक्षण घ्या त्याचबरोबर स्पर्धा परीक्षा देण्याबाबत मार्गदर्शन केले. संस्थेमध्ये विद्यार्थिनींना शिक्षण घेत असताना संस्था गरीब व गरजू विद्यार्थिनींसाठी देणगी स्वरूपात संकलित करत असलेल्या भाऊबीज निधीचे महत्व सांगून हा निधी विद्यार्थिनींनी आपली सामाजिक जबाबदारी समजून यापुढे देखील संकलित करावा, असे सांगितले.