चाकू हल्लाप्रकरणी न्यायालयीन कोठडी

चाकू हल्लाप्रकरणी
न्यायालयीन कोठडी
सकाळ वृत्तसेवा
मालवण, ता. ११ : शेंडी पागण्याच्या कारणावरून सर्जेकोट येथील संतोष सत्यवान शेलटकर (रा. कोळंब, खालचीवाडी) याच्यावर चाकूने वार करून जखमी केल्याप्रकरणी पोलिस कोठडीत असलेल्या हर्षल पराडकर याची पोलिस कोठडी संपल्याने पुन्हा आज न्यायालयात हजर केले; मात्र न्यायालयाने त्याचा जामीन अर्ज फेटाळून लावत त्याला १५ दिवसांची न्यायालयीन कोठडी सुनावली. त्याची सावंतवाडी कारागृहात रवानगी करण्यात आली आहे. संतोष शेलटकर व त्याचा मित्र जगन्नाथ सावजी हे १ मे रोजी रात्री १० वाजण्याच्या सुमारास सर्जेकोट जेटीवर आले असता संशयित पराडकर याने शेंडी पागण्याच्या कारणावरून शेलटकर यांना शिवीगाळ केली. मारहाण करून त्यांच्यावर चाकूचे वार केले होते. याप्रकरणी येथील पोलिस ठाण्यात गुन्हा दाखल झाला होता. त्यानुसार येथील पोलिसांनी पराडकर याला अटक करून न्यायालयात हजर केले होते. न्यायालयाने त्याला दोन दिवसांची पोलिस कोठडी सुनावली होती. पोलिस कोठडी संपल्यावर पराडकर याला आज पुन्हा न्यायालयात हजर केले असता त्याने जामिनासाठी अर्ज दाखल केला; मात्र न्यायालयाने त्याचा अर्ज फेटाळून लावत त्याला १५ दिवसांची न्यायालयीन कोठडी सुनावली.