संक्षिप्त-ओसरगाव विठ्ठल-रखुमाई मंदिरात आज कार्यक्रम

ओसरगावात आज
धार्मिक कार्यक्रम
कणकवली ः ओसरगाव-कानसळीवाडी (ता. कणकवली) येथील श्री विठ्ठल-रखुमाई मंदिराचा वर्धापन दिन सोहळा उद्या (ता. १३) आयोजित केला आहे. या निमित्ताने विविध धार्मिक आणि सांस्कृतिक कार्यक्रमांचे आयोजन केले आहे. उद्या सकाळी ८ वा. विधिवत पूजा, १० वा. महापूजा, दुपारी ३ ते ६ विद्यार्थ्यांसाठी रंगभरण स्पर्धेसह विविध स्पर्धा, संगीत खुर्ची स्पर्धा होणार आहे. सायंकाळी ६ वाजता स्थानिकांची सुस्वर भजने, ७ वा. महाप्रसाद, बक्षिस वितरण, रात्री ८ वाजता वालावलकर दशावतार नाट्यमंडळाचा नाट्यप्रयोग होणार आहे. या कार्यक्रमास भाविकांनी उपस्थित राहावे, असे आवाहन आयोजकांनी केले आहे.
................
कळसुलीत उद्या
त्रैवार्षिक गोंधळ
कणकवली ः कळसुली (ता. कणकवली) येथे दळवी कुटुंबाचा भवानीमातेचा त्रैवार्षिक गोंधळ आयोजित करण्यात आला आहे. भवानीमातेच्या मंदिरामध्ये मंगळवारी (ता. १४) दळवी कुटुंबाचा हा कार्यक्रम होत असून, अनेक भाविक गावात दाखल झाले आहेत. पारंपरिक पद्धतीने विविध धार्मिक आणि सांस्कृतिक कार्यक्रमांचे आयोजन केले आहे. दळवी परिवारातील पाहुणे मंडळी, तसेच नातेवाइकांनी उपस्थित राहण्याचे आवाहन मंडळातर्फे करण्यात आले आहे.