शहरातील सर्व्हिस रोड मजबूत करा

२३ (टूडे २ साठी)

- rat१३p१४.jpg-
P२४M८३३२१
लांजा ः शहरातील सर्व्हिस रोड.

शहरातील सर्व्हिस रोड मजबूत करा

लांजा राष्ट्रवादी शरद पवार पक्षाची मागणी
सकाळ वृत्तसेवा
लांजा, ता. १३ : लांजा शहरात सध्या मुंबई-गोवा महामार्गाच्या चौपदरीकरणाचे काम चालू आहे. त्यामुळे वाहतुकीसाठी सर्व्हिस रोडचा वापर केला जातो; मात्र ते रस्ते मजबूत स्थितीत तयार करा, अशी मागणी राष्ट्रवादी काँग्रेस शरद पवार पक्षाच्यावतीने लांजा तहसीलदार प्रमोद कदम यांच्याकडे करण्यात आली.
लांजा शहरामध्ये मुंबई-गोवा महामार्गाचे काम गेली अनेक वर्षे सुरू आहे. सध्या लांजा शहरात पुलाचे काम चालू असून त्यासाठी रस्त्यावर खड्डे पाडण्यात येत आहेत; पण जो पर्यायी मार्ग आहे त्यामुळे शहरामध्ये धुळीचे साम्राज्य पसरलेले आहे. शहरातील व्यापाऱ्‍यांच्या मालाचे नुकसान होत आहे. धुळीमुळे श्वसनाचा त्रासही लोकांना होत आहे. तरी महामार्गाचे अधिकारी व ठेकेदार यांना सूचना देऊन पर्यायी मार्ग हा मजबुतीकरण व डांबरीकरण करूनच काम करण्याच्या सूचना देण्याची मागणी या निवेदनात करण्यात आली आहे. तसे न झाल्यास तीव्र आंदोलन छेडण्याचा इशारादेखील या निवेदनात देण्यात आला आहे. हे निवेदन सादर करताना सोशल मीडिया फ्रंटचे जिल्हाध्यक्ष दाजी गडहिरे व युवक तालुकाध्यक्ष बाबा धावणे उपस्थित होते.