लांजा हायस्कूलला ३ लाख २० हजाराची देणगी

३५ (पान ५ साठी)

-rat१३p२२.jpg -
P२४M८३३८४
लांजा ः पालक-शिक्षक संघाकडून लांजा हायस्कूलला देणगी देताना पदाधिकारी.
-------------------

लांजा हायस्कूलला ३ लाखांची देणगी

सकाळ वृत्तसेवा
लांजा, ता. १३ ः पालक-शिक्षक संघाकडून लांजा हायस्कूलला सुमारे ३ लाख २० हजार रुपयांची भरीव देणगी प्राप्त झाली आहे. यातून वायरिंगसह सीसीटीव्ही कॅमेरे बनविण्यासाठी २ लाखाचा धनादेश संस्थेकडे सुपूर्द करण्यात आला. वर्गखोल्यांमध्ये १४ पंखे व विद्यार्थ्यांना स्वच्छ पाणी मिळण्याच्यादृष्टीने ८ अॅक्वाग्रार्ड कंपनीचे पाणी फिल्टर बसविण्यात येत आहेत.
न्यू एज्युकेशन सोसायटी लांजा संचलित न्यू इंग्लिश स्कूल लांजा यथील विद्यार्थ्यांची होणारी गैरसोय पाहता पालक-शिक्षक संघाकडून विद्यार्थ्यांना स्वच्छ पाणी मिळण्याच्यादृष्टीने ८ अॅक्वाग्रार्ड कंपनीचे पाणी फिल्टर व प्रत्येक फिल्टरला स्टिलमध्ये बेसिन लावण्यात येत आहे तसेच टेरेसवरील आठ पत्राशेड असलेल्या रूममध्ये उष्णतेचे प्रमाण पाहून १४ पंखे लावण्याचे काम सुरू आहे. ही सर्व कामे उपाध्यक्ष हंसराज (राजू) सुर्वे व सहसचिव सचिन जाधव पूर्ण करण्यासाठी प्रयत्न करत आहेत. शाळेच्या आवारातील सीसीटीव्ही कॅमेरे गेल्या वर्षीच्या पावसाळ्यात वीज पडल्याने संपूर्ण वायरिंग व कॅमेरे हे नादुरुस्त झाले होते. त्यामुळे संस्थेच्यावतीने नवीन सीसीटीव्ही कॅमेरे लावण्यासाठी काही रकमेची मागणी पालक संघाकडे केली होती. त्यानुसार शाळेतील विद्यार्थ्यांचा संरक्षणाचा विचार करून पालक-शिक्षक संघाने २ लाख ५० हजाराचा धनादेश संघाचे अध्यक्ष, उपाध्यक्ष, सचिव, सहसचिव यांच्या हस्ते देण्यात आला.