बालमित्र-मैत्रिणींच्या भेटीने पाणावले डोळे

बालमित्र-मैत्रिणींच्या भेटीने पाणावले डोळे

83659
ओटवणे ः येथे स्नेहमेळाव्यासाठी एकत्र आलेले माजी विद्यार्थी.


बालमित्र-मैत्रिणींच्या भेटीने पाणावले डोळे

ओटवणेत रंगला स्नेहमेळावा ः रवळनाथ विद्यामंदिरचे माजी विद्यार्थी.


सकाळ वृत्तसेवा
बांदा, ता. १४ ः ओटवणे येथील श्री रवळनाथ विद्यामंदिर, ओटवणेचा २००४ दहावीच्या बॅचचा स्नेहमेळावा त्याच दहावीच्या खोलीत नुकताच पार पडला. तब्बल २४ वर्षांनंतर शाळेत पुन्हा एकदा बेंचवर बसून सर्व विद्यार्थ्यांनी एकत्र येत स्नेहमेळावा साजरा केला. एकत्र आलेल्या सर्व बालमित्र-मैत्रिणींनी शालेय जीवनातील आठवणींना उजाळा दिला. आनंदाच्या वातावरणात गुरुवर्यांनी कशाप्रकारे घडवले आणि आज आपण कुठपर्यंत आहोत, याचेही सर्वांनीच शिक्षकांच्या सान्निध्यात दिवस घालवून आभार व्यक्त केले.
गुरुजनांनी दिलेली शिकवण, आदर्श यामुळेच आज प्रत्येक जण आपापल्या ठिकाणी चांगले जीवन जगत असल्याबाबतचा प्रत्येकाचा अनुभव ऐकून शिक्षकांचेही डोळे भरून आले. ओटवणे येथे श्री रवळनाथ विद्यामंदिरचे रोपटे (कै.) दामले काका यांनी लावले आणि त्यानंतर त्या रोपट्याचे आज वटवृक्षात रूपांतर झालेले बघून प्रत्येकाचे डोळे पाणावले. या आनंदाच्या क्षणी आनंदाने प्रत्येकजण भावूक झाला. विद्यामंदिरचे मुख्याध्यापक श्री. देसाई व इतर सहकारी शिक्षकांनीदेखील २००४ च्या दहावीच्या वर्गात त्यावेळी आणि आज कोणत्याप्रकारे काम चालते तसेच विद्यार्थी घडविणे हेच आमचे ध्येय असून, प्रत्येक विद्यार्थ्यांनी शाळेशी आपली नाळ कायमच जोडून ठेवावी, असे सांगितले. हा ओटवणे शाळेतील पहिला स्नेहमेळावा असून, या सर्व विद्यार्थ्यांकडे बघून एक आनंदाचे वातावरण निर्माण झाल्याचे श्री. कांबळे, श्री. राऊळ, श्री. धोंगडे, श्रीमती सावंत या शिक्षकांनी मनोगतामध्ये सांगितले. यावेळी माजी विद्यार्थ्यांपैकी २००४ च्या बॅचमधील सुमारे २५ विद्यार्थी उपस्थित होते. सकाळी १० वाजता सुरू झालेला हा कार्यक्रम दुपारनंतरही चालू होता. सायंकाळी समारोपाने या कार्यक्रमाची सांगता झाली. दुपारी स्नेहभोजनाचा कार्यक्रमही ठेवण्यात आला होता. या स्नेहमेळाव्यास आलेल्या २००४ च्या दहावीच्या विद्यार्थ्यांनी आपले शिक्षकांविषयी मनोगत व्यक्त केले. शिक्षकांनी आपल्याला शिकवल्याचे आणि आज आपण कसे घडलो, याचे वर्णन केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com