एमआयडीसीची पाईपलाईन फुटून झोपड्या जलमय

एमआयडीसीची पाईपलाईन फुटून झोपड्या जलमय

५३ ( पान ३ साठी, महत्वाची)


-rat१४p३३.jpg -
OP२४M८३६९२
चिपळूण : फरशी तिठा येथे पाईपलाईन फुटून झोपडपट्टीत पाणी शिरल्याने असे नुकसान झाले.
---------------

एमआयडीसीची पाईपलाईन फुटली


पेढे फरशीतील घटना ; झोपड्या जलमय, टपऱ्यांचे नुकसान

सकाळ वृत्तसेवा
चिपळूण, ता. १४ ः लोटे औद्योगिक वसाहतीला पाणीपुरवठा करणारी जलवाहिनी पेढे फरशी तिठा येथे फुटली. मुख्य रहदारीच्या रस्त्यावरच असलेली ही जलवाहिनी फुटल्याने एकच गोंधळ उडाला. पाण्याचे फवारे वीस ते पंचवीस फूट वर उडत होते. या पाण्याच्या दाबामुळे परिसरातील दुकाने आणि पान टपऱ्यांचे मोठे नुकसान झाले. याशिवाय परिसरातील झोपडपट्टीमध्ये पाणी शिरल्याने त्यांचे नुकसान झाले आहे. ही घटना आज सायंकाळी पाच वाजण्याच्या सुमारास घडली.
वाशिष्ठी नदीतील पाणी मोठ्या जलवाहिनीद्वारे लोटे एमआयडीसीला जलवाहिनीच्या माध्यमातून पुरवले जाते. वाशिष्ठी नदीतून जाणारी ही जलवाहिनी फरशी तिठा येथे मुख्य रस्त्यालगत जाते. गेले अनेक दिवस लोटे एमआयडीसीकडे जाणारी पाईपलाईन सातत्याने फुटत आहे. मध्यंतरी पेढे-परशुराम येथील पाईपलाईन फुटून अनेकांच्या घरात पाणी शिरले होते. पाण्याचा फवारा उडून नुकसान देखील झाले होते. आज सायंकाळी ५ वाजण्याच्या सुमारास पाईपलाईनला गळती लागून परिसरातील झोपडपट्टीमध्ये पाणी शिरले आणि झोपडपट्टीधारकांचे मोठे नुकसान झाले. फरशी येथेच रस्त्याच्या कडेला काही टपरीधारक तसेच व्यावसायिकांची दुकाने आहेत. या दुकानांमध्येही पाणी शिरल्याने त्यांचे नुकसान झाले. या प्रकारामुळे दुकानधारक प्रचंड संतापलेले होते. सायंकाळी उशिरापर्यंत पाईपलाईन दुरुस्तीचे काम सुरू होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com