भटक्या कुत्र्यांची कणकवलीत भीती

भटक्या कुत्र्यांची
कणकवलीत भीती
कणकवली ः शहरातील बहुतांशी प्रभागात भटक्या कुत्र्यांची संख्या पुन्हा एकदा वाढली आहे. यापुर्वी नगरपंचायतीतर्फे कुत्र्यांची नसबंदी करण्यात आली होती. तसेच कुत्र्यांची आक्रमक्ता कमी करण्यासाठी उपाय झाले होते. पंरतु, सध्या या भटक्या कुत्र्यांच्या संख्येत वाढ झाली आहे. त्यामुळे रात्री अपरात्री रस्त्यावर बसलेल्या या कुत्र्यांच्या टोळ्या वाहनचालकांच्या अंगावर धावून जातात त्यामुळे भितीचे वातावरण आहे.
-------------
बिडवाडी रस्त्यावरील
बाजूपट्टी धोकादायक
कणकवली ः बिडवाडी (ता.कणकवली) गावाकडे जाणाऱ्या रस्त्याच्या दोन्ही बाजूला झाडी वाढली आहे. त्यामुळे रस्त्यालगतच्या बाजूपट्टी धोकादायक बनल्या आहेत. सार्वजनिक बांधकाम विभागाने या रस्त्याची देखभाल दुरूस्ती करावी, अशी मागणी वाहन चालकांनी केली आहे. काही भागात रस्ता नादुरूस्त झाला आहे. त्यामुळे या रस्त्याची पावसाळ्यापुर्वी डागडुजी करावी, अशी मागणी आहे.