मिठबांव रामेश्‍वर हायस्कूलचा माजी विद्यार्थी मेळावा उत्साहात

83775
मिठबाव ः येथील रामेश्वर हायस्कूलच्या माजी विद्यार्थ्यांचा स्नेहमेळावा झाला.

मित्रमैत्रिणींच्या स्नेहमेळाव्याने रंगत

मिळबाव रामेश्‍वर हायस्कूलचे माजी विद्यार्थी

सकाळ वृत्तसेवा
देवगड, ता. १५ ः मिठबाव (ता. देवगड) येथील रामेश्वर हायस्कूलच्या १९८० मधील दहावीच्या वर्गातील विद्यार्थ्यांचा स्नेहमेळावा येथे उत्साहात झाला. येथील स्नेहसंवर्धक मंडळाच्या सभागृहात झालेल्या कार्यक्रमावेळी तत्कालीन शालेय आठवणींना उजाळा देण्यात आला. सर्वांची आपापसांत माहिती घेण्यात आली.
समाजमाध्यमांच्या माध्यमातून मित्रमैत्रिणींनी एकत्र येण्याचे ठरविले. आनंद लोके, जयानंद फाटक, प्रमोद कांदळगावकर यांनी मित्रमैत्रिणींचा शोध घेतला. त्यानुसार सर्वांना एकत्रित करून स्नेहमेळावा घेण्यात आला. मित्रमैत्रिणींनी शालेय जीवनातील आठवणी जाग्या केल्या. तद्वतच शिक्षकांच्या आठवणींना उजाळा देत असताना काही शिक्षक, मित्रमैत्रिणी हयात नसल्याचे कळताच त्यांच्या आठवणींना उजाळा देत असताना काहींच्या डोळ्यांच्या कडा पाणावल्या. या वेळी कोणी कोणत्या क्षेत्रात चमकदार कामगिरी केली, याचाही ऊहापोह करण्यात आला. या वेळी निर्मला खेडेकर, विजयालक्ष्मी डगरे, प्रदीप कोळंबकर, सूर्यकांत घाडी, लक्ष्मण खाडिलकर, दत्तात्रय टिकम, रवी लोके, विनोद पडवळ, मनोहर लोके, किशोर सरवणकर, शिवशंकर लोके, प्रवीण लाड, सुहास वळंजू, प्रेमानंद ढोके, प्रमोद ढोके आदी उपस्थित होते. प्रमोद कांदळगावकर यांनी सूत्रसंचालन केले. दरम्यान, पुन्हा भेटण्याचे ठरवून स्नेहमेळाव्याची सांगता करण्यात आली.