कणकवली समर्थनगरातील विहिरीत अनोळखी मृतदेह

कणकवली समर्थनगरातील
विहिरीत अनोळखी मृतदेह

सकाळ वृत्तसेवा
कणकवली, ता.१५ : शहरातील समर्थनगर येथील विहिरीत आज अनोळखीचा मृतदेह आढळून आला. या घटनेबाबत तेथील जमीन मालक संजय गणेश हरगे यांनी आज पोलिसांत खबर दिली.
आज सकाळी साडेनऊच्या सुमारास समर्थनगर येथील श्री. हरगे यांच्या मालकीच्या विहिरीमध्ये सकाळी साडेनऊच्या सुमारास काही कामगार पाणी आणण्यासाठी गेले होते. त्‍या वेळी त्‍यांना पुरुष जातीचा मृतदेह तरंगताना आढळून आला. याबाबतची माहिती पोलिसांना दिल्‍यानंतर कणकवली पोलिसांनी घटनास्थळी धाव घेतली. तसेच मृतदेह उपजिल्‍हा रुग्‍णालयातील शवागरात पाठवण्यात आला. हा मृतदेह ४० ते ४५ वयोगटातील तरुणाचा आहे. मात्र सायंकाळी उशिरापर्यंत ओळख पटली नव्हती. या घटनेचा अधिक तपास कणकवली पोलिस करत आहेत.