-सहा दिवसांच्या सर्चनंतरही पोलिस दिशाहीन

२३ (पान ३ साठी)

मिठगावाणेतील चोरीचा तपास सुरूच

सकाळ वृत्तसेवा
रत्नागिरी, ता. २१ : राजापूर तालुक्यातील श्रमिक सहकारी पतपेढीच्या मिठगवाणे शाखेमध्ये झालेल्या जबरी चोरीचा अद्याप छडा लागलेला नाही. गेले सहा दिवस पोलिसांनी मिठगवाणे गाव, परिसर, जंगलभाग पोलिसांनी पिंजून काढला. परंतु त्यांच्या हाती लागलेले काही लागले नाही. स्थानिकांकडून काहीतरी माहिती मिळावी, यासाठीही पोलिसांचा प्रयत्न सुरू आहे.
श्रमिक सहकारी पतपेढीच्या मिठगवाणे शाखेत धाडसी जबरी चोरी झाली. सुमारे ९० लाख रुपयांचे सुमारे २०० तोळे सोने चोरट्याने चोरून नेल्याचा प्रकार पुढे आला आहे. स्थानिक कनेक्शन असल्याशिवाय ही चोरी होणार नाही, याची शंका पोलिसांना असल्यामुळे स्थानिक संशयित कोण? यासाठी पोलिसांचा शोध सुरू आहे. चोरट्यांनी काहीतरी पुरवा सोडला असावा, यासाठी पोलिसांचे पथक गेली सहा दिवस मिठगवाणेसह परिसर पिंजून काढत आहे. रात्री, अपरात्री जंगलमय भागतही शोध मोहीम सुरू आहे.
चोरट्याने अतिशय हुशारीने ही चोरी केली आहे. सीसी टीव्ही स्टोअरेज बॉक्स देखील चोरट्याने काढून नेला आहे. त्यामुळे काहीतरी धागेदोरे मिळावेत, यासाठी पोलिसांनी स्थानिकांची मदत घेण्याचा निर्णय घेतला आहे. या चोरीसंदर्भात कोणालाही काही माहिती मिळाल्यास तत्काळ पोलिसांना द्यावी, असे आवाहन केले आहे.