चौधऱी ट्रस्ट, ''प्रगत'' संस्थेतर्फे वालावलकर कुटुंबीयांना मदत

swt233.jpg
85343
वालावल ः येथील वालावलकर कुटुंबीयांना मदतीचा धनादेश देताना दयानंद चौधरी.

चौधऱी ट्रस्ट, ‘प्रगत’ संस्थेतर्फे
वालावलकर कुटुंबीयांना मदत
सकाळ वृत्तसेवा
कुडाळ, ता. २२ः वालावल येथील अनंत वालावलकर यांच्या कुटुंबीयांना सामाजिक सेवाभावी संस्था मनोरमा महादेव चौधरी चॅरिटेबल ट्रस्ट, वालावल व प्रगत सिंधुदुर्ग मुंबई या संस्थांमार्फत आर्थिक मदत देण्यात आली. चार महिन्यांपूर्वी वालावल ग्रामपंचायत निवडणुकीत बिनविरोध निवडून आलेले अनंत वालावलकर यांचा झाडाच्या फांद्या तोडत असताना विजेचा धक्का लागून मृत्यू झाला. त्यांच्या कुटुंबात पत्नी, दोन मुले, आई-वडील असून, घरची आर्थिक परिस्थिती हलाखीची आहे. याची दखल घेऊन चौधरी चॅरिटेबल ट्रस्ट व प्रगत सिंधुदुर्ग या संस्थामार्फत आर्थिक मदतीचा धनादेश वालावलकर यांच्या वडिलांकडे सुपूर्द करण्यात आला. यावेळी संस्थाध्यक्ष दयानंद चौधरी, सचिव संदीप साळसकर, कबड्डीपटू प्रीतम वालावलकर व वालावलकर कुटुंबीय उपस्थित होते.