पावशी येथे आजपासून पादुका दर्शन सोहळा

87169

पावशी येथे आजपासून
पादुका दर्शन सोहळा

सकाळ वृत्तसेवा
कुडाळ, ता. १ ः आदमापूर निवासी श्री संत बाळूमामांच्या पादुकांचे आगमन पावशी येथे आज झाले. यानिमित्ताने शांतादुर्गा मंगल कार्यालय, पावशी येथे उद्या (ता. २) व सोमवारी (ता. ३) पादुका दर्शन सोहळा व भंडारा उत्सव आयोजित केला आहे.
उद्या पहाटे ६ वाजता श्री संत बाळूमामांचे नामस्मरण, सकाळी ७.३० वाजता मुख्य यजमानांच्या हस्ते श्रींचे षोड्शोपचारे पूजन, ८.३० वाजता विणापूजन व ग्रंथ पारायण प्रारंभ, ११ वाजता श्री संत नामदेव महाराज भक्त मंडळ, सिंधुदुर्ग यांचे नामस्मरण व भजन, दुपारी १ वाजता महाआरती, १.३० वाजता महाप्रसाद प्रारंभ, ३ वाजता संगीत हरिपाठ (सादरकर्ते-जीवन विद्यामिशन, मांडकुली), सायंकाळी ४.३० वाजा पारंपरिक फुगड्या (सादरकर्ते-सखी फुगडी मंडळ, पावशी), सायंकाळी ५.३० वाजता संदेश सामंत आणि सहकारी (झाराप) यांचे भक्तिगीत गायन, ६.३० वाजता गजानृत्य, ७ वाजता वारकरी हरीपाठ (सादरकर्ते-रामकृष्ण हरीपाठ मंडळ, पावशी), रात्री ८ वाजता पारंपरिक फुगड्या (सादरकर्ते-भैरव जोगेश्वरी फुगडी मंडळ, कुडाळ), ९ वाजता श्री ब्राह्मणदेव भजन मंडळ, अणावचे बुवा किशोर पारकर यांचे भजन होणार आहे. त्यांना मृदंगमणी कृष्णा परब, तबला वादक किरण खरात यांची संगीत साथ असेल. सोमवारी (ता. ३) सकाळी ६ वाजता श्री संत बाळूमामांची काकड आरती, ७ वाजता पादुका पूजन व ग्रंथ पारायण प्रारंभ, १० वाजता ग्रंथ पारायण सांगता, १०.३० वाजता भाऊ नाईक (वेतोरे) यांचे काल्याचे कीर्तन, दुपारी १२.३० वाजता रासलीला नृत्य व दहीहंडी, दुपारी १.३० वाजता महाप्रसाद आदी कार्यक्रम होणार आहेत. उपस्थित राहावे, असे आवाहन श्री बाळूमामा प्रतिष्ठान, सिंधुदुर्गने केले आहे.