रमेश कीर सोमवारी अर्ज भरण्याची शक्यता

रमेश कीर उद्या अर्ज भरण्याची शक्यता

कोकण पदवीधर मतदार संघ ; ‘मनसे’मुळे महायुतीमध्ये गोंधळ

सकाळ वृत्तसेवा
रत्नागिरी, ता. ०१ : कोकण पदवीधर मतदार संघातून महाविकास आघाडीचे उमेदवार म्हणून रत्नागिरी जिल्हा काँग्रेसचे ज्येष्ठ नेते व माजी जिल्हाध्यक्ष रमेश कीर यांची उमेदवारी जवळजळ निश्चित आहे. सोमवार ३ जूनला सकाळी ११ वाजता ते उमेदवारी अर्ज दाखल करणार असल्याचे सूत्रांनी सांगितले.
महाविकास आघाडीमध्ये ही जागा काँग्रेसला दिली जाणार देण्याचे जवळजवळ निश्चित झाले आहे. त्यामुळे त्यांचा उमेदवारी अर्ज दाखल करण्यासाठी काँग्रेसचे प्रदेशाध्यक्ष अध्यक्ष नाना पटोले व आघाडीतील अन्य पक्षांचे नेते उपस्थित राहाणार आहेत. तरी सर्व काँग्रेस कार्यकर्त्यांनी कोकण भवन, बेलापूर, नवी मुंबई येथे वेळेवर उपस्थित राहावे असे आवाहन जिल्हा सरचिटणीस सुरेश कातकर व दापोली तालुका काँग्रेस सरचिटणीस मंगेश मोरे यांनी केले आहे.
महायुतीमधील घटकपक्ष ‘मनसे’ने आधीच उमेदवार कोकण पदवीधरमध्ये जाहीर केला आहे. त्यामुळे भाजप कोणती भूमिका घेते याकडे सर्वांचे लक्ष आहे. भाजपचे आमदार निरंजन डावखरे यांच्या विषयी भाजपमध्येच नाराजी असल्याने या निवडणुकीत कोकण पदवीधरला महाविकास आघाडीला मोठे यश मिळेल, असा विश्वास खासदार विनायक राऊत यांनी व्यक्त केला आहे.