चिपळूण-दखिनमधील दोन वाड्यांचा पाणीप्रश्न 52 वर्षांनी मार्गी

दखिनमधील दोन वाड्यांचा
पाणीप्रश्न ५२ वर्षांनी मार्गी
चिपळूण, ता. २ः १९७२ पासून पाणीटंचाईने ग्रासलेल्या दखिन माईनवाडी, मधलीवाडीचा पाणीप्रश्न काही प्रमाणात मार्गी लावण्यात आमदार शेखर निकम यांना यश आले. त्यांनी राधा गोविंद फाउंडेशनमार्फत वाडीमध्ये बोअरवेल व पंप उपलब्ध करून देत ग्रामस्थांची गैरसोय दूर केली आहे. तब्बल ५२ वर्षांनी पाणीप्रश्न सुटल्याने ग्रामस्थांनी आमदार निकम यांचे आभार मानले.
दखिन माईनवाडी, मधलीवाडी हे चिपळूण मतदार संघातील शेवटचे टोक आहे. या वाडीत १९७२ पासून पाणीटंचाईची समस्या ग्रामस्थांना भेडसावत होती. काही ग्रामस्थांमार्फत याची माहिती मिळताच शासकीय टँकरवर अवलंबून न राहता आमदार निकम यांनी राधा गोविंद फाउंडेशच्या माध्यमातून त्या ठिकाणी बोअरवेल पंप बसवून दिला. या व्यवस्थेमुळे दखिन माईनवाडी आणि मधलीवाडी ग्रामस्थांच्या चेहऱ्यावरील आनंद दिसून आला.