देवगड किनारी दमदार पाऊस

देवगड किनारी दमदार पाऊस

सकाळ वृत्तसेवा
देवगड, ता. ३ ः तालुक्याच्या किनारी भागात आज सकाळी दमदार पावसाची सर बरसली. यामुळे उकाड्याने हैराण झालेल्या नागरिकांना काहीवेळ दिलासा मिळाला; मात्र सर पडून गेल्यावर पुन्हा कडक ऊन पडले आणि उकाड्याची तीव्रता आणखी वाढली. अनेक दिवस मॉन्सूनपूर्व पाऊस येथे हुलकावणी देत होता. असे असताना आज सकाळी दहाच्या सुमारास सुमारे अर्धातास दमदार पावसाची सर कोसळली. यामुळे सर्वत्र पाणी झाले. उष्णतेने होरपळलेल्या मातीलाही पाणी मिळाले. नागरिकांनाही उकाड्यापासून काहीसा दिलासा मिळाला; मात्र हा आनंद क्षणभंगूर ठरला. पावसानंतर पुन्हा ऊन तापू लागले आणि अंगातून घामाच्या धारा निघू लागल्या.