असगणी येथे आज चोखामेळा समाधी दिन

87581

असगणीत आज
चोखामेळा समाधी दिन
तळेरे : सिंधुदुर्ग जिल्हा हरिजन समाज सेवा संघ आयोजित संतश्रेष्ठ चोखामेळा समाधी दिन सोहळा उद्या (ता. ४) सकाळी ९.३० वाजा असगणी (ता. मालवण) येथे आयोजित केला आहे. पहिल्या सत्रात दीपप्रज्वलन, पूजापाठ, दर्शन, स्वागत, प्रास्ताविक, मान्यवरांचे मनोगत, अध्यक्षीय भाषण व त्यानंतर सहभोजन, दुसऱ्या सत्रात श्री संतश्रेष्ठ चोखामेळा माऊली यांच्या जीवनावर ह.भ.प. मृणाल गावकर यांचे नारदीय कीर्तन आणि हरी भजनाचा बहारदार संगीतमय कार्यक्रम होणार आहे. हा कार्यक्रम असगणी येथील आनंद तांबे यांच्या निवासस्थानी होणार आहे. जिल्ह्यातील समाज बांधवांनी या सोहळ्याला मोठ्या संख्येने उपस्थित राहावे, असे आवाहन सिंधुदुर्ग जिल्हा हरिजन समाजसेवा संघाचे अध्यक्ष आनंद तांबे व सचिव संदीप तांबे यांनी केले आहे.