सुनील तटकरेंचा ८२ हजार ७८४ मतांनी विजय

-rat४p३७.jpg ः
२४M८७९३७
अलिबाग : विजयी उमेदवार सुनील तटकरे यांना निवडून आल्याचे प्रमाणपत्र देताना व अभिनंदन करताना निवडणूक निर्णय अधिकारी.
----------

सुनील तटकरेंचा ८२ हजार ७८४ मतांनी विजय
सकाळ वृत्तसेवा
दाभोळ, ता. ४ : रायगड लोकसभा मतदार संघातून महायुतीचे उमेदवार सुनील तटकरे विजयी झाले असून, त्यांनी महाविकास आघाडीचे उमेदवार अनंत गीते यांचा ८२ हजार ७८४ मतांनी पराभव केला आहे.
या निवडणुकीत रायगड लोकसभा मतदार संघातून राष्ट्रवादीचे उमेदवार सुनील तटकरे हे महायुतीचे उमेदवार होते तर शिवसेना उद्धव बाळासाहेब ठाकरे पक्षाचे अनंत गीते हे महाविकास आघाडीचे उमेदवार होते. सुनील तटकरे यांना ५ लाख ८ हजार ३५२ मते मिळाली तर अनंत गीते यांना ४ लाख २५ हजार ५६८ मते मिळाली. ही निवडणूक कोण जिंकणार, याकडे या मतदार संघाचे लक्ष लागले होते. निवडणुकीत दापोली विधानसभा मतदार संघातून अनंत गीते यांना सुनील तटकरे यांच्यापेक्षा ८ हजार ४५२ मते अधिक मिळाली. गुहागर विधानसभा मतदार संघातून तब्बल २७ हजार ७९६ मते अधिक मिळाली. त्यामुळे या दोन्ही मतदार संघातून कुणबी समाज अनंत गीते यांच्या पाठीशी असल्याचे दिसून आली.
सुनील तटकरे यांच्या प्रचाराच्या सभेत दापोलीचे आमदार योगेश कदम यांनी सुनील तटकरे यांना अनंत गीते यांच्यापेक्षा अधिक मताधिक्य देऊ, असे सांगितले होते; मात्र दापोली व गुहागर विधानसभा मतदार संघातून अनंत गीते यांनाच मताधिक्य मिळाले आहे. दापोली विधानसभा मतदार संघातून २७ फेऱ्यांमध्ये मतमोजणी झाली.
--------------
कोट
या निवडणुकीत शिवसेना उद्धव बाळासाहेब ठाकरे पक्षाचे उमेदवार अनंत गीते यांनी कुणबी समाजाला भावनिक साद घातली होती. त्यामुळे या समाजाने त्यांना मतदान केले असावे. त्यामुळे दापोली विधानसभा मतदार संघात अनंत गीते यांना मताधिक्य मिळाले आहे; मात्र विधानसभा निवडणुकीत आपण १ लाख १० हजार मतांचे मताधिक्य मिळवून विजयी होऊ, असा आपल्याला विश्वास आहे.

- आमदार योगेश कदम