230 गंजलेले खांब, 45 रोहित्र पेट्या बदलल्या

गंजलेले खांबांची
पावसाळयापूर्वी दुरुस्ती

रत्नागिरी, ता. ०३ : पावसाळयात वीजपुरवठ्यात कमीत कमी बिघाड होईल, ग्राहकांना दर्जेदार वीजपुरवठा व्हावा यासाठी पावसापूर्वीची दुरुस्ती करण्यात आली. लघु व उच्चदाब वीजवाहिन्यांच्या ५ हजार ४५० गाळ्यातील वीजतारांना स्पर्श करणाऱ्या झाडांच्या फांद्या छाटल्या. २३० खराब व गंजलेले खांब, ५ किलोमीटर लांबीच्या जीर्ण वीजतारा बदलल्या. ९५० मीटरच्या नादुरुस्त सर्व्हिस वायर तर ४५ खराब रोहित्र पेट्या बदलल्याची माहिती महावितरण कंपनीने दिली.
जिल्ह्यातील ३२३ लघु व उच्चदाब वीजवाहिन्या गाळ्यातील सैल वीजतारा ओढल्या. २६ ठिकाणी लघु व उच्चदाब वीजवाहिन्या गाळ्यांना गार्डींग बसविले. ४५ खराब रोहित्र पेट्या बदलल्या. महावितरणकडून प्राधान्यक्रमानुसार वीजवाहिन्यांची व वीज उपकरणांची देखभाल व दुरुस्तीची कामे करण्यात आली. आपत्कालीन परिस्थितीचा सामना करण्यासाठी सर्व सामुग्री आणि उपकरणांचा साठा कार्यालयात करण्यात आला आहे.