पर्यावरण दिनानिमित्त निवती किनारी स्वच्छता

M88352

पर्यावरण दिनानिमित्त
निवती किनारी स्वच्छता
सकाळ वृत्तसेवा
म्हापण, ता. ६ः जागतिक पर्यावरण दिनानिमित्त निवती समुद्र किनारपट्टीवर स्वच्छता मोहीम राबविण्यात आली. कांदळवन कक्ष, कांदळवन प्रतिष्ठान सिंधुदुर्ग, युनायटेड नेशन डेव्हलपमेंट प्रोगाम यांच्या संयुक्त प्रकल्प अंतर्गत जी. सी. एफ. प्रकण्यांतर्गत हा उपक्रम घेण्यात आला.
या स्वच्छता मोहिमेत निवृती-मेढा सरपंच अवधूत रेगे, ग्रामपंचायत सर्व सदस्य, ग्रामसेवक शरद शिंदे, कांदळवन समिती निवती-मेढाचे दिगंबर नागोळकर, कांदळवन कक्षाचे उपजीविकातज्ज्ञ केदार पालव, दिगंबर तोरसकर, जागृती गवंडे, दीपक जाधव, मोहिनी भिंगारे, शुभम कांबळे, नीरज कोरगावकर (प्रकल्प समन्वयक, कांदळवन प्रतिष्ठान) आदींसह बचतगट सी.आर.पी., बचतगटाच्या महिला, ग्रामपंचायत कर्मचारी, ग्रामस्थ आदी उपस्थित होते. यावेळी प्लास्टिक बाटल्या, काचेच्या बाटल्या आदी कचरा वर्गीकरण करून एकत्र करण्यात आला.