अणाव येथे गुणवंतांचा सत्‍कार
88699
अणाव येथे गुणवंतांचा सत्‍कार
सकाळ वृत्तसेवा
कणकवली, ता.७ : मेट्रोपॉलिटन इन्स्टिट्यूट सुकळवाड आणि अणाव ग्रामपंचायतीच्या वतीने दहावी, बारावीतील गुणवंतांचा सत्‍कार करण्यात आला. अणाव ग्रामपंचायत सभागृहात हा कार्यक्रम झाला.
यावेळी सरपंच लीलाधर अणावकर, उपसरपंच अदिती अणावकर, संविता आश्रमचे संचालक संदिप परब, मेट्रोपॉलिटन इन्स्टिट्यूट ऑफ टेकनॉलॉजी व मॅनेजमेंट अभियांत्रिकी कॉलेज सुकळवाडचे प्राचार्य डॉ. शैलेंद्र ढणाल, उपप्राचार्य विशाल कुशे, डीन रामचंद्र सावंत आदी उपस्थित होते.
डॉ.शैलेंद्र ढणाल यांनी यावेळी करीअरच्या विविध संधी आणि अभ्यासक्रम याबाबत मार्गदर्शन केले. विद्यार्थ्यांनी करिअर करताना आपल्या आवडीला प्राधान्य द्यावे, असे आवाहनही त्‍यांनी केले. प्रा. रामचंद्र सावंत यांनी विद्यार्थ्यांना दहावी, बारावीनंतर असलेले विविध अभ्यासक्रम आणि नोकरी, करीअरच्या संधी याबाबत मार्गदर्शन केले. सुरेश पवार यांनी सूत्रसंचालन केले. वाचनालय कर्मचारी श्री. परब यांनी आभार मानले. यावेळी रावजी कृष्णा जिकमडे, श्रद्धा दळवी, महिमा जिकमडे, सुवर्णा परब आदी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.