प्रसिद्ध गणेशगुळे मंदिरातील दानपेटी फोडली

-rat११p३२.jpg-
२४M८९४५९
पावस ः स्वयंभू गणेशगुळे येथील गणेश मंदिराची दानपेटी फोडण्यात आली.
----------------

गणेशगुळे मंदिरातील दानपेटी फोडली

दोन दिवसातील दुसरी घटना ; सीसीटिव्हीत दोन चोरटे कैद

सकाळ वृत्तसेवा
पावस, ता. ११ ः रत्नागिरी तालुक्यातील गणेशगुळे येथील गणेश मंदिरातील दानपेटी चोरट्याने फोडून त्यातील पैशांवर डल्ला मारला. बारा वर्षानंतर पुन्हा एकदा दानपेटी फोडल्याने परिसरामध्ये भीतीचे वातावरण निर्माण झाले आहे. पावस परिसरातील या दोन दिवसातील ही दुसरी घटना आहे.

श्री क्षेत्र गणेशगुळे येथील गणेश मंदिरामध्ये संस्थांच्यावतीने सीसीटीव्ही कॅमेरे बसवण्यात आले आहेत. त्या माध्यमातून चोरांचा शोध लागण्याची शक्यता आहे. सोमवारी (ता. १०) रात्री पावणेदोनच्या सुमारास या मंदिराचा दोन संशयितांनी दरवाजा फोडून गणपतीसमोर बसवण्यात आलेली दानपेटी कोयत्याने फोडली व त्यातील रक्कम लंपास केली. ही पेटी मजबूत असल्याने ती फोडण्यासाठी सुमारे एक तास लागल्याचे दिसत आहे. ही घटना रात्री घडल्याने त्या मंदिरामध्ये साफसफाईसाठी एक व्यक्ती नेहमी जात असते. त्या वेळी त्याच्या ही घटना लक्षात आल्यानंतर सातच्या सुमारास पोलिसपाटील संतोष लाड यांना कळविले. त्यानंतर त्यांनी ही घटना पूर्णगड पोलिसांना कळवली. त्यानंतर तातडीने पोलिसांनी घटनास्थळी जाऊन परिस्थितीची पाहणी केली. घटनास्थळी श्वानपथक आणण्यात आले होते. श्वानपथकाने चोरांचा शोध घेण्याचा प्रयत्न केला; परंतु रात्रीच्यावेळी पाऊस पडल्यामुळे काही ठराविक अंतरापर्यंत त्यांना जाता आले. दोन्ही चोरटे सीसीटीव्ही कॅमेऱ्यामध्ये बंदिस्त झाले असून ते रात्रीच्यावेळी दुचाकीवरून आल्याची शक्यता आहे. दोन दिवसांपूर्वी मेर्वी गुरववाडी येथे एका बंद घराचा दरवाजा फोडून ४५ हजार रुपयांची रोख रक्कम चोरट्याने लंपास केली होती. दोन्ही चोरीच्या पार्श्वभूमीवर पोलिसांची चक्री वेगाने फिरू लागली आहे.
---------