कुर्धेतील विद्युतखांब धोकादायक

-rat१p१३.jpg -
२४M९३९९३
पावस ः कुर्धे स्वरूपनगर येथील लिंगायत यांच्या घरासमोर असलेला मोडकळीस आलेला विद्युतखांब.
------------

कुर्धेतील विद्युतखांब धोकादायक

पावस, ता. १ ः रत्नागिरी तालुक्यातील कुर्धे स्वरूपनगर परिसरामध्ये महावितरणच्या सिमेंट काँक्रिटच्या खांबाची दयनीय अवस्था झाली आहे. तो तातडीने बदलावा, अशी मागणी महावितरणकडे करण्यात आली आहे. त्याकडे लक्ष न दिल्यास येत्या काही दिवसांमध्ये कोणत्याही क्षणी तो कोसळून परिसरातील विद्युतपुरवठा खंडित होण्याची शक्यता आहे.
स्वरूपनगर परिसरातील लिंगायत यांच्या घरासमोर महावितरणचा सिमेंटचा खांब खराब झाला आहे. या संदर्भात येथील ग्रामस्थ विवेक चव्हाण यांनी वायरमन व कनिष्ठ अभियंता यांच्याकडे तक्रार केली आहे; परंतु त्यांनी याकडे दुर्लक्ष केले आहे. सध्या मोठ्या प्रमाणात पाऊस पडत असून जोरदार वारेही वाहत आहेत. त्यामुळे हा खांब कधीही कोसळू शकतो. त्यामुळे विद्युतखांब बदलावा, अशी मागणी विवेक चव्हाण यांनी केली आहे.