सावरवाडला वृक्षारोपणाने कृषी सप्ताहाला सुरुवात

सावरवाडला वृक्षारोपणाने
कृषी सप्ताहाला सुरुवात

सकाळ वृत्तसेवा
सावंतवाडी, ता. २ ः कृषी दिनानिमित्त सावरवाड गावात छत्रपती शिवाजी कृषी महाविद्यालयाच्या कृषी दुतांनी कृषी सप्ताहाचे आयोजन केले आहे. या सप्ताहाचा शुभारंभ जिल्हा बँकेचे विद्यमान संचालक रवींद्र मडगावकर यांच्या हस्ते वृक्षारोपण करून करण्यात आला.
या सप्ताहात कृषिदिंडी, मोफत नेत्र चिकित्सा, वृक्ष लागवड, शेतीत लागणाऱ्या विविध अवजारांची माहिती व शेतीचे यांत्रिकीकरण आणि सामुदायिक शेती याचे महत्त्व याविषयी घरोघरी मार्गदर्शन, कृषी विषयक सरकारी योजनांची माहिती व तात्काळ विमा उपलब्धतेबाबत माहिती देण्यात येणार आहे. या कार्यक्रमांना कृषी विज्ञान केंद्र किर्लोस आणि छत्रपती शिवाजी कृषी महाविद्यालय किर्लोस-ओरोसचे संस्थापक अध्यक्ष तथा माजी खासदार ब्रिगेडियर सुधीर सावंत यांची प्रमुख उपस्थिती असणार आहे. आज झालेल्या कार्यक्रमाचे प्राचार्य योगेश पेडणेकर, प्रा. प्रसाद ओगले, प्रा. गोपाल गायकी, डॉ. बापू भोगटे, प्रा. विवेक खरात, प्रा. भावना पाताडे, प्रा. महेश परुळेकर यांच्या मार्गदर्शनाखाली कृषिदूत अथर्व मठकर, लक्षद्विप शेटकर, श्रीनिवास वाळके, ऋत्विक तेली, अनिरुद्ध. पी, अरुणदेव
सी. पी. यांनी आयोजन केले होते.
94147