सत्यवान रेडकर यांना ''समाजरत्न'' पुरस्कार

सत्यवान रेडकर यांना
‘समाजरत्न’ पुरस्कार

सकाळ वृत्तसेवा
तळेरे, ता. २ : भंडारी समाजाचे मानबिंदू, लोकहितवादी रावबहाद्दूर सी. के. बोले व राजश्री छत्रपती शाहू महाराज यांच्या जयंतीच्या निमित्ताने विविध क्षेत्रात उल्लेखनीय कार्य केलेल्या व्यक्तींना पुरस्कृत करण्यात आले. ‘तिमिरातुनी तेजाकडे’ या शैक्षणिक चळवळीचे प्रणेते, प्रख्यात व्याख्याते व मुंबई सीमाशुल्क विभागात अनुवाद अधिकारी पदावर कार्यरत असणारे सत्यवान रेडकर यांना लोकहितवादी रावबहाद्दूर सी. के. बोले पुरस्कार २०२४ च्या अनुषंगाने समाज रत्न (शैक्षणिक क्षेत्र) पुरस्कार देऊन गौरविण्यात आले. दादर येथील भंडारी मंडळ हॉल येथील कार्यक्रमात रेडकर यांच्यावतीने ‘तिमिरातुनी तेजाकडे’ संस्थेचे अध्यक्ष सचिन रेडकर यांनी हा पुरस्कार स्वीकारला. रेडकर यांच्या शासकीय स्पर्धा परीक्षा जनजागृती व मार्गदर्शन तसेच सामाजिक कार्याची दखल घेऊन त्यांचा या पुरस्काराने सन्मान करण्यात आला. याबद्दल त्यांचे सर्वत्र कौतुक होत आहे.
94286