‘त्या’ ग्रामसेविकेवर कारवाई
न केल्याने १० ला उपोषण

‘त्या’ ग्रामसेविकेवर कारवाई न केल्याने १० ला उपोषण

Published on

‘त्या’ ग्रामसेविकेवर कारवाई
न केल्याने १० ला उपोषण

वैभववाडीप्रश्नी तावडे यांचा इशारा

सकाळ वृत्तसेवा
वैभववाडी, ता. २ ः शासकीय सेवेसाठी अपात्र असताना ग्रामसेवक म्हणून रुजू झालेल्या संबंधित महिलेवर कारवाई करावी, अशी मागणी करूनही प्रशासनाकडून कोणतीही कारवाई न केल्यामुळे भानुदास तावडे यांनी बुधवारी (ता.१०) पंचायत समिती कार्यालयासमोर उपोषणास बसण्याचा इशारा दिला आहे.
श्री. तावडे यांनी जिल्हाधिकाऱ्यांसह मुख्य कार्यकारी अधिकारी आणि वरिष्ठ अधिकाऱ्यांना यासंदर्भात निवेदन दिले. त्यात म्हटले आहे की, सध्या ग्रामसेवक म्हणून कार्यरत असलेली संबंधित महिला शासकीय सेवेस पात्र नव्हती. लहान कुटुंबाबाबत असलेल्या शासन निर्णय डावलून त्या शासकीय सेवेत भरती झाल्या आहेत. त्यांच्यावर कारवाई करावी, अशी मागणी १३ मे रोजी जिल्हाधिकाऱ्यांकडे केली होती. याशिवाय जिल्हा परिषद, पंचायत समितीस्तरावरही यासंदर्भात तक्रार केली होती. परंतु, आजमितीस प्रशासनाकडून याप्रकरणी कोणतीही कारवाई झालेली नाही. लहान कुटुंबाबाबत असलेला शासन निर्णय डावलून भरती झालेल्या ग्रामसेविकेवर कारवाई व्हावी, अशी मागणी असून ती न झाल्यास १० ला येथील पंचायत समितीसमोर उपोषण करू, असा इशारा श्री. तावडे यांनी दिला. याबाबत त्यांनी जिल्हाधिकाऱ्यांसह वरिष्ठ अधिकाऱ्यांना निवेदन दिले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com