भाजपाचे राजापूर विधानसभा मतदार संघावर लक्ष

भाजपाचे राजापूर विधानसभा मतदार संघावर लक्ष

भाजपचे राजापूर विधानसभा मतदार संघावर लक्ष
नीलेश राणेंचा आजपासून दौरा; पदाधिकारी, बूथ कार्यकर्त्यांचा मेळावा
सकाळ वृत्तसेवा
राजापूर, ता. २ : लोकसभा व कोकण पदवीधर मतदार संघाच्या निवडणुकीत भाजपने यश संपादन केल्यामुळे कार्यकर्त्यांमध्ये उत्साहाचे वातावरण आहे. त्यामुळे आगामी विधानसभा निवडणुकीसह होणाऱ्या स्थानिक स्वराज्य संस्थांच्या निवडणुकीत भाजपचे पक्ष संघटन अधिक मजबूत करण्यासाठी नियोजन सुरू झाले आहे. त्यासाठी भाजप नेते माजी खासदार नीलेश राणे उद्यापासून (ता. ३) राजापूर दौऱ्यावर येत आहेत. भाजप पदाधिकारी, बूथ अध्यक्ष व सर्व कार्यकर्त्यांना ते मार्गदर्शन करणार आहेत.
राजापूर नगर वाचनालय सभागृहात उद्या सकाळी १०.३० वा. भाजप पदाधिकारी व कार्यकर्ता मेळावा होणार आहे. लोकसभा निवडणुकीत महायुतीचे उमेदवार नारायण राणे विजयी झाले तर नुकत्याच झालेल्या कोकण पदवीधर मतदार संघातही भाजपने बाजी मारली असून निरंजन डावखरे हे निवडून आले. त्यामुळे आता राजापूर विधानसभा मतदार संघावर भाजपच्या पदाधिकाऱ्यांनी लक्ष केंद्रित केले आहे. त्यासाठी पक्षसंघटन अधिक बळकट करण्यावर भर दिला जाणार आहे. माजी खासदार नीलेश राणे प्रथमच राजापूर दौऱ्यावर येत असल्यामुळे कार्यकर्त्यांमध्ये उत्साहाचे वातावरण आहे. या वेळी राणे भाजप पदाधिकारी व कार्यकर्त्यांना मार्गदर्शन करणार आहेत.
या प्रसंगी भाजप जिल्हाध्यक्ष राजेश सावंत, महिला आघाडीच्या नेत्या उल्का विश्वासराव, भाजप जिल्हा सरचिटणीस रवींद्र नागरेकर आदी उपस्थित रहाणार आहेत. या मेळाव्याला उपस्थित राहावे, असे आवाहन भाजपचे पूर्व मंडल अध्यक्ष भास्कर सुतार, पश्चिम मंडल अध्यक्ष सुरेश गुरव यांनी केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com