केबल चोरीप्रकरणी दोघांवर गुन्हा

केबल चोरीप्रकरणी
दोघांवर गुन्हा
खेडः तालुक्यातील साखरोली पेट्रोलपंपाच्या पुढे असलेल्या खेड-दापोली रस्त्याच्या बाजूस ठेवलेली २४०० रुपये किंमतीच्या केबल चोरीप्रकरणी आसिफ तांबे, समीर सकपाळ (दोघे रा. भडगाव) या दोघांवर येथील पोलिसात गुन्हा दाखल केला आहे. याबाबत सागर अंकुश कदम यांनी पोलिसात तक्रार दाखल केली. या दोघांनी रस्त्याच्या कडेला ठेवलेली स्टर्लाईट कंपनीची केबल वायर व एफटीबी बॉक्स चोरून नेल्याचे तक्रारीत नमूद करण्यात आले आहे. या प्रकरणी अधिक तपास खेड पोलिस करत आहेत.
----------
खेडमध्ये हाणामारीत
तिघे जखमी
खेडः शहरातील खांबतळे येथे दोघांनी केलेल्या मारहाणीत तिघेजण जखमी झाले. या प्रकरणी अल्ताफ मजीद शेख, नदीम मजीद शेख यांच्यावर येथील पोलिसात गुन्हा दाखल झाला आहे. नसिमा शकिल शेख (२७), साहिल शकिल शेख, शकिल शेख (३५, तिथेही रा. खांबतळे-खेड) अशी तिघांची नावे आहेत. फिर्यादीच्या राहत्या घरी जेवण झाल्यानंतर पुतण्या अल्ताफ शेख हा दारूच्या नशेत घरात बडबड करत असल्याने जाऊन झोप, असे सांगितल्याचा राग मनात धरून त्याने फिर्यादीच्या पत्नीला शिवीगाळ करत मारहाण केली. यानंतर भांडण सोडवण्यासाठी आलेल्या साहिल शेख व शकिल शेख यांनाही मारहाण केल्याचे तक्रारीत नमूद केले आहे. याबाबत नसिमा शेख यांनी दिलेल्या तक्रारीनुसार पोलिसात गुन्हा दाखल केला आहे.
--