प्राथमिक शिक्षक संघाचे
सोमवारी धरणे आंदोलन

प्राथमिक शिक्षक संघाचे सोमवारी धरणे आंदोलन

प्राथमिक शिक्षक संघातर्फे
सोमवारी जि. प.समोर धरणे

सकाळ वृत्तसेवा
ओरोस, ता. ३ ः प्रशासनाकडून प्राथमिक शिक्षकांवर झालेल्या अन्यायाविरुद्ध दाद मागण्यासाठी सोमवारी (ता. ८) दुपारी ३ ते ६ या वेळेत सिंधुदुर्गनगरी येथील जिल्हा परिषद कार्यालयासमोर अखिल महाराष्ट्र प्राथमिक शिक्षक संघ, सिंधुदुर्गतर्फे लक्षवेधी धरणे आंदोलन छेडण्यात येणार आहे.
राज्यातील जिल्हा परिषद प्राथमिक शिक्षकांना शासनाकडून २१ जून २०२३ च्या शासन आदेशाने खुली जिल्हांतर्गत बदलीची संधी दिली होती. वेळीवेळी मागणी करून याबाबत सुमारे ८ महिन्यांच्या कालावधीनंतर ११ मार्चला कार्यवाहीसाठी धरणे आंदोलन छेडावे लागले, तरीही प्राथमिक शिक्षकांना बदलीची संधी दिलेली नसून ही शासन आदेशाची अधिकाऱ्यांकडून होणारी पायमल्ली आहे, अशी आमची धारणा आहे. शिक्षणाधिकारी (प्राथमिक) यांनी मागण्यांचे निवेदन स्वीकारून पूर्ततेसाठी आश्वासित केले होते. मात्र, अद्याप काही समस्यांची कार्यवाही झालेली नाही. त्यामुळे ८ ला दुपारी ३ ते ६ या वेळेत जिल्हा परिषद कार्यालय, सिंधुदुर्गनगरी येथे अखिल महाराष्ट्र प्राथमिक शिक्षक संघ सिंधुदुर्गतर्फे लक्षवेधी धरणे आंदोलन छेडण्यात येणार आहे. जिल्हांतर्गत बदली धोरण आदेश २१ जून २०२३ ची संपूर्ण कार्यवाही करणे, आंतरजिल्हा बदली झालेल्या शिक्षकांना कार्यमुक्त करणे, विस्तार अधिकारी-केंद्रप्रमुख पदोन्नती तातडीने करणे, प्रलंबित गणित-विज्ञान विषय पदवीधर शिक्षकांना तत्काळ नियुक्त्या देणे व प्रलंबित पदवीधर वेतनश्रेणी तातडीने लागू करणे, वरिष्ठ वेतनश्रेणी प्रस्ताव मंजुरी करून शिक्षकांना वेळीच लाभ देणे, नवनियुक्त शिक्षकांचा सेवापट, सेवापुस्तिका भरण्यासाठी तालुकावार शिबिराचे आयोजन करणे या मागण्यांची कार्यवाही व्हावी, यासाठी आंदोलन करण्यात येणार असल्याचे निवेदन जिल्हाध्यक्ष राजा कविटकर, सरचिटणीस बाबाजी झेंडे यांनी मुख्य कार्यकारी अधिकाऱ्यांना दिले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com