जिल्हा रुग्णालय सावंतवाडीत स्थलांतरित करा

जिल्हा रुग्णालय सावंतवाडीत स्थलांतरित करा

Published on

94658

जिल्हा रुग्णालय सावंतवाडीत
स्थलांतरित करा ः तेली

सार्वजनिक आरोग्य मंत्र्यांना निवेदन

सकाळ वृत्तसेवा
सावंतवाडी, ता. ३ ः शासकीय वैद्यकीय महाविद्यालय सिंधुदुर्ग जिल्ह्यासाठी मंजूर केल्याने ओरोस येथील जिल्हा रुग्णालयही त्या ठिकाणी हस्तांतरित करण्यात आले आहे. त्यामुळे सावंतवाडी, दोडामार्ग व वेंगुर्ला या तिन्ही तालुक्यांच्या आरोग्याचा विचार करता जिल्हा रुग्णालय हे सावंतवाडी उपजिल्हा रुग्णालय येथे स्थलांतरित करावे, अशी मागणी माजी आमदार राजन तेली यांनी सार्वजनिक आरोग्य मंत्री तानाजी सावंत यांच्याकडे निवेदनातून केली आहे.
श्री. तेली यांनी निवेदनात म्हटले आहे की, ‘‘शासनाने सिंधुदुर्गसाठी नवीन शासकीय वैद्यकीय महाविद्यालय डिसेंबर २०२० मध्ये मंजूर केले. त्यासाठी सार्वजनिक आरोग्य विभागाचे जिल्हा सामान्य रुग्णालय हे वैद्यकीय महाविद्यालयाला कायमस्वरूपी स्थावर आणि जंगम मालमत्तेसह हस्तांतरित केलेले आहे. जिल्हा रुग्णालयाच्या इमारतीत वैद्यकीय महाविद्यालय व रुग्णालय, सिंधुदुर्ग हे कार्यरत आहे. त्याकरिता शासनाकडून वैद्यकीय महाविद्यालयाची व रुग्णालयाची स्वतंत्र पदे मंजूर आहेत. प्रत्येक जिल्ह्यासाठी जिल्हा रुग्णालय हे असून सिंधुदुर्ग जिल्ह्याचे रुग्णालय जिल्हा मुख्यालय सिंधुदुर्गनगरी येथे १९९८ पासून कार्यरत होते. त्याचप्रमाणे शासकीय वैद्यकीय महाविद्यालय व रुग्णालय आणि एसएसपीएम वैद्यकीय महाविद्यालय व रुग्णालय हे देखील पडवे (ता. कुडाळ) याठिकाणी आहे. त्यामुळे ही दोन्ही रुग्णालये कुडाळ तालुक्यात येत असून खऱ्या अर्थाने सावंतवाडी, वेंगुर्ले व दोडामार्ग या तीन तालुक्यांसाठी कोणतीही वैद्यकीय सुविधा नाही. त्यामुळे या तिन्ही तालुक्यातील रुग्णांना गोवा राज्यातील रुग्णालयांवर अवलंबून राहावे लागते. त्यामुळे जिल्हा रुग्णालय हे सावंतवाडी येथे अधिकारी व कर्मचारी वर्गासह तातडीने स्थलांतरित करावे. जिल्हा रुग्णालय व संदर्भ सेवा रुग्णालय हे एकाच ठिकाणी स्थापन झाल्यावर जनतेला एकाच छताखाली आरोग्य व वैद्यकीय सुविधा मिळतील. तरी आपल्याकडून सकारात्मक विचार होऊन समस्त सिंधुदुर्गच्या जनतेने केलेल्या मागणीप्रमाणे जिल्हा रुग्णालय हे सावंतवाडी येथे अधिकारी व कर्मचारी वर्गासह सावंतवाडी येथे स्थलांतरित करण्याबाबत लवकरात लवकर कार्यवाही करावी.’’

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.