विद्यामंदिर सत्‍कार

विद्यामंदिर प्रशालेतील
शिष्यवृत्तीधारकांचा सत्कार
कणकवली : शहरातील विद्यामंदिर माध्यमिक प्रशालेतील पाचवी आणि आठवीतील विद्यार्थ्यांनी शिष्यवृती परीक्षेत उज्ज्‍वल यश संपादन केले. या गुणवंत विद्यार्थ्यांचा सत्‍कार एचपीसीएल सभागृहात झालेल्‍या कार्यक्रमात शिक्षणाधिकारी श्री. कुडाळकर यांच्या हस्ते करण्यात आला. पूर्वमाध्यमिक शिष्यवृत्ती परीक्षेत पाचवीतील अर्णव पाटील आणि आरोही मेस्त्री यांनी गुणवत्ता यादीत स्थान मिळविले. आठवीतील सानवी कारेकर, राशी राणे, वरदा मराठे यांनी गुणवत्ता यादीमध्ये येण्याचा मान पटकावला. या विद्यार्थ्यांचा सत्‍कार सिंधुदुर्ग जिल्हा योजना शिक्षणाधिकारी प्रदीप कुडाळकर, प्राथमिक शिक्षणाधिकारी डॉ. गणपती कमळकर, गटशिक्षणाधिकारी किशोर गवस यांच्या हस्ते करण्यात आला. मुख्याध्यापक पिराजी कांबळे, शिष्यवृत्ती मार्गदर्शक जे. जे. शेळके उपस्थित होते.

९४७१२