रेणुका प्रतिष्ठानने नोंदवला निषेध

रेणुका प्रतिष्ठानने नोंदवला निषेध

rat५p१३.jpg-
P२४M९४९२२
रत्नागिरी : महिलांवरील अत्याचाराविरोधात रेणुका प्रतिष्ठानतर्फे निवेदन देताना महिला कार्यकर्त्या.
----------------

महिला अत्याचाराचा निषेध

रेणुका प्रतिष्ठातर्फे जिल्हाधिकाऱ्यांना निवेदन

सकाळ वृत्तसेवा
रत्नागिरी, ता. ५ : पश्चिम बंगालमध्ये महिलांवरील वाढते अत्याचार व भारतात अनेक ठिकाणी महिलांवर होणाऱ्या अत्याचाराविरुद्ध निषेध नोंदवत रेणुका प्रतिष्ठानने आज जिल्हाधिकाऱ्यांना निवेदन दिले.
निषेध नोंद करण्यासाठी जिल्हाधिकारी कार्यालयाच्या आवारात महिला आल्या. पाऊस असल्याने तेथील मंदिरात एक भजन म्हटले. त्यानंतर आवाराच्या बाहेर घोषणा देण्यात आल्या. अप्पर जिल्हाधिकारी चंद्रकांत सूर्यवंशी यांच्याकडे रेणुका प्रतिष्ठानतर्फे निवेदन देण्यात आले. हे निवेदन केंद्रीय गृहमंत्री यांच्याकडे पोहोचवण्याची विनंती जिल्हाधिकाऱ्यांना करण्यात आली. यानंतर ॲड. रूची महाजनी यांनी उपस्थित महिलांना संबोधित केले. आपल्या देशातील काही राज्यात महिलांची वाढती असुरक्षितता हा खूप गंभीर विषय आहे. तेथील शासन या गोष्टीकडे दुर्लक्ष करत आहे. आपण जर सजग राहिलो नाही तर पश्चिम बंगालमध्ये घडणाऱ्‍या घटना आपल्यापर्यंत यायला वेळ लागणार नाही. म्हणूनच महिलांनी संघटित होणे गरजेचे आहे. एकत्र जमावाने एखाद्या गोष्टीला विरोध केला की नक्कीच त्याचा परिणाम जाणवतो, हे लक्षात घेतले पाहिजे, असे मत त्यांनी व्यक्त केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com