-रत्नागिरीत उबाठाला मोठे खिंडार

-rat६p२६.jpg-
P२४M९५२१५
रत्नागिरी ः पालकमंत्री उदय सामंत आणि किरण सामंत यांच्या उपस्थितीत माजी नगरेसवक बाबा नागवेकर यांनी शिवसेनेत प्रवेश केल्यानंतर पुष्पगुच्छ देऊन स्वागत केले.
---------
नागवेकर, पिलनकरांचा शिवसेनेत प्रवेश

रत्नागिरी, ता. ६ : पालकमंत्री उदय सामंत, किरण सामंतांनी शहरात उद्धव बाळासाहेब ठाकरे शिवसनेला धक्का दिला आहे. सामंतांच्या नेतृत्वावर विश्वास ठेवत माजी नगरसेवक राकेश उर्फ बाबा नागवेकर आणि माजी नगरसेविका मीरा पिलणकर यांच्यासह शेकडो कार्यकर्ते आणि काही पदाधिकारी यांनी उबाठाला जय महाराष्ट्र करत शिवसनेत प्रवेश केला.
पालकमंत्री उदय सामंत आणि सिंधुरत्नचे सदस्य किरण सामंत यांच्या उपस्थितीत शिवेसेनेत जाहीर प्रवेश झाला. या वेळी नितीन सुर्वे, मंदार जोशी, विक्रांत पिलणकर, मोरेश्वर मोरे, राहुल पिलणकर, महेश मोरे, शेखर भोगले, पंकज पिलणकर आदींनी प्रवेश केला.