राणेंकडून रस्ता पाहणीची स्टंटबाजी

राणेंकडून रस्ता पाहणीची स्टंटबाजी

राणेंकडून रस्ता पाहणीची स्टंटबाजी

अतुल रावराणे ः ‘करूळ’ची प्रथम पाहणी का नाही केली?

सकाळ वृत्तसेवा
वैभववाडी, ता.६ ः करूळ घाटरस्त्याचे काम निकृष्ट झाल्याची कबुली देणाऱ्या आमदार नीतेश राणे यांनी सहा महिन्यांत रस्त्याची पाहणी का केली नाही? असा सवाल ठाकरे शिवसेनेचे नेते अतुल रावराणे यांनी केला आहे. रस्त्याची पाहणी ही केवळ स्टंटबाजी असल्याचा आरोपही त्यांनी केला आहे.
आमदार राणे यांनी शुक्रवारी (ता. ५) करूळ घाटरस्त्याची पाहणी केली. त्या पाहणी दौऱ्यावर आज रावराणे यांनी प्रसिद्धी पत्रकातून जोरदार टीका केली. करूळ घाट हा व्यापार उद्योगात वृद्धी करणारा आणि मोठ्या प्रमाणात दळणवळण असलेला घाट मार्ग आहे; मात्र या घाटमार्गाचे काम निकृष्ट दर्जाचे झाले आहे. येथील स्थानिक आमदार राणे यांनी शुक्रवारी कामाची पाहणी करून अधिकाऱ्यांना झापल्याची स्टंटबाजी केली; मात्र काम निकृष्ट होत असताना सहा महिन्यांत त्यांनी का पाहणी केली नाही? असा प्रश्न त्यांनी उपस्थित केला. ठाकरे शिवसेनेने आवाज उठविल्यानंतर त्यांना जाग आली. आमदार राणेंनी पाहणी दौऱ्यात ‘मी मारल्यासारखे करतो, तू रडल्यासारखे कर’ असा स्टंट करण्याचा प्रकार केला.
घाटमार्गाचे काम दर्जेदार होणे अपेक्षित होते; मात्र ४० टक्के ‘बिलो’ने टेंडर भरलेल्या ठेकेदाराला हे टेंडर देण्यात आले. या कामाच्या टेंडरची चौकशी व्हावी व ‘रिटेंडर’ व्हावे, यासाठी शिवसेना पक्षाने आवाज उठविला; परंतु त्यावेळी आमदारांनी काहीही केले नाही. या ठेकेदाराला आणि अधिकाऱ्यांना कोणाचे अभय आहे, हे लोकांना माहीत आहे. त्यामुळे संपूर्ण देशात रस्ते विकासमध्ये नंबर एकचे काम करणारे केंद्रीय रस्ते वाहतूक मंत्री नितीन गडकरी यात लक्ष घालून कारवाई करतील का? घाटमार्गाच्या निकृष्ट कामाबाबत दोषींवर कारवाई करण्याची हिंमत पालकमंत्री रवींद्र चव्हाण दाखवतील का? असा सवाल देखील रावराणे यांनी केला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com